केही महिना अघि अभिनेता सविन श्रेष्ठ र उनकी एयर होस्टेज प्रेमिका नम्रता झा बिच व्रेकअप भएको खबर प्रकाशनमा आएको थियो । व्रेकअप भएको केही समय नवित्दै यी दुई बिच प्याचअप भएको छ ।
अन्दाज डेव्यु अभिनेता श्रेष्ठले प्रेमिका र आफु बिचको सम्बन्धमा सुधार आएको स्विकार गरेका छन् । हाल 'दमदार' नामक फिल्मको सुटिङमा व्यस्त सविनले प्याचअप भएको केही समयमै बिहे समेत गरेका छन् । तर, सविनको बिहे प्रेमिका झासँग भने होइन । सविनले अभिनेत्री जेनिसा केसीसँग लगनगाँठो कसेका छन् ।
सविन र जेनिशाको बिहे रियलमा नभई रिलमा भएको हो । फिल्म 'आधी बाटो'को लागी सविन र जेनिशाले बिहेको नाटक गरेका हुन् । रियल लाइफको बिहे चाहिं कहिले त ? सविनले भने- 'पाँच वर्ष त कुर्नै पर्छ । वेस्ट एक्टरको अवार्ड पाएपछि मात्रै बिहे गर्छु ।' सविनले फिल्ममा बिहे गरेको नाटक गर्दा अनौठो महसुश भएको समेत बताए ।
म्यूजिकल लभ स्टोरीको फिल्ममा यश कुमारसँगै सविन श्रेष्ठ, जेनिशा केसी लगायतको मुख्य अभिनय छ । दशैं रिलिजको हिट फिल्म 'काली'का निर्देशक सविर श्रेष्ठले 'आधी बाटो'लाई निर्देशन गरेका हुन् ।
फिल्मलाई युके शहरमा नयाँ वर्ष पारेर प्रदर्शन गरिंदैछ । युके रिलिजसम्म फिल्मको पोष्ट प्रोडक्सन सकिने निर्देशक श्रेष्ठले बताए । रमेश त्वायनाको निर्माण रहेको फिल्ममा अभिनेता यश कुमार र सुरेश अधिकारीको संयुक्त संगीत छ । 'आधी बाटो'को नेपाल रिलिज भने तय भैसकेको छैन ।
