अहिले देशभर तिहारको रमझम छ । झिलिमिली बत्तिसँगै गाउँदेखि शहरमा देउसी भैलोको रौनक छाउन थालेको छ । यहि तिहारको अवसर पारेर चैत्र ७ गते रिलिज हुन लागेको फिल्म 'फिटकिरी'को देउसी भैलो गीत रिलिज गरिएको छ ।
सौगात मल्ल, दिया मास्के, शान्ति गिरी र लुट फिल्मका निर्देशक निश्चल बस्नेत मुख्य कलाकार रहेको यस फिल्मको प्रस्तुत गीतमा भुपेन्द्र खड्काको शब्द, निर्माता अर्जुन कुमारको संगीत तथा धर्मेन्द्र सेवानको स्वर रहेको छ ।
शहरमा हुने गुण्डागर्दीको खोजमुलक कथा रहेको 'फिटकिरी'लाई अनुप बरालले निर्देशन गरेका हुन् । अर्जुन कुमार र सुमित मैनाली यस फिल्मका लगानीकर्ता हुन् । फिल्ममा पुरुषोत्तम प्रधानको छायाँकन छ ।
