रंगमञ्चबाट फिल्म निर्देशनमा जम्प गरेका अनुप बरालको पहिलो निर्देशकीय फिल्म 'फिटकिरी' चैत ७ गते प्रदर्शन हुने भएको छ । यसअघि सेक्सी फिल्म चपली हाइट निर्माण गरेका अर्जुन कुमारले उक्त मितिमा 'फिटकिरी' देशका मल्टिप्लेक्स सहित सिङ्गल पर्दामा प्रदर्शन हुने जानकारी गराए ।
यसअघि केही फिचर फिल्ममा समेत मुख्य कलाकारको रुपमा अभिनय गरेका निर्देशक बरालको 'फिटकिरी'लाई प्रतिक्षित फिल्मको रुपमा हेरिएको छ । पोष्टको अन्तिम चरणमा रहेको 'फिटकिरी'मा सौगात मल्ल, दिया मास्के, शान्ति गिरी र लुट फिल्मका निर्देशक निश्चल बस्नेत मुख्य कलाकारको रुपमा प्रस्तुत भएका छन् ।
शहरमा हुने गुण्डागर्दीको खोजमुलक विषयलाई फिल्ममा निर्देशक बरालले मुख्य रुपमा देखाउन खोजेका छन् । फिल्ममा पुरुषोत्तम प्रधानको छायाँकन छ । अर्जुन कुमार र सुमित मैनाली यस फिल्मका लगानीकर्ता हुन् ।
