चपली हाइटकी विनिता बराल केही महिनादेखि सुटिङ छोडेर सामाखुसी स्थित टोखा गाविसमा अर्गानिक फार्म हाउसमा तरकारी रोप्न र गोड्नमा व्यस्त छिन् । फार्म हाउसमा व्यस्त भएपछि विनिता फिल्म नगरीबाट टाढिएकी छिन् । यद्पी विनितालाई केही विज्ञापन तथा म्यूजिक भिडियोमा भने फाट्टफुट्ट देख्न सकिन्छ ।
फिल्म नखेले पनि विनिता प्रायः फिल्मी समारोहमा भने उपस्थित हुने गर्दछिन् । यसै साता सम्पन्न ५ औं एचटिभी फिल्मीखबर डि सिने अवार्डमा भाइ भनिएका मोडल दिक्पाल कार्कीसँग विनिता उपस्थित भएकी थिइन् । साडी र व्लाउजमा सजिएकी विनिता कार्यक्रम सुरु भएपछि एकेडेमी हलमा पुगेकी थिइन् । हलको तेस्रो रोमा बसेकी विनिताको कार्यक्रम भरी नै खासै कोहीसँग साक्षत्कार भएन ।
विनिता स्टेजमा सञ्चालित कार्यक्रम हेरेर बसी मात्रै रहिन् । प्रदर्शनको क्रममा रहेको फिल्म सुपरहिटकी नायिका विनिता कार्यक्रम सकिनै लाग्दा हलबाट बाहिर निस्किइन् । कार्यक्रममा विनिता आइन् कि गइन् कसैले पत्तै पाएनन् । कार्यक्रमको लाइभ प्रसारण गर्ने क्यामेराले पनि अगाडी रोमा बसेका अभिनेत्रीहरु करिश्मा मानन्धर, रेखा थापा, निशा अधिकारी र प्रियंका कार्कीलाई मात्रै देख्यो विनितालाई देखेन ।
