अभिनेत्री सुमिना घिमिरेको कथा वरिपरि घुमेको फिल्म 'स्टार' भोली शुक्रबारबाट देशभरका पर्दामा चल्दैछ । नेपाली फिल्म क्षेत्रको कथा बोकेको यो स्टारले सिङ्गल रिलिज पाएको छ ।
सुमिनाले मनिषा पात्र भएर बोलेको वोल्ड डायलग, संवाद तथा पहिरनबाट चर्चा पाएको यो फिल्मलाई महेन्द्र बुढाथोकीले निर्देशन गरेका हुन् । स्टारमा निर्देशक महेन्द्र बुढाथोकी र सञ्चारकर्मी लक्ष्मण सुवेदीको संयुक्त लगानी छ । सुमिनाको साथमा निरज बराल, श्याम घिमिरे, रमेश बुढाथोकी, गणेश उप्रेती लगायतको अभिनय स्टारमा हेर्न सकिन्छ ।
उत्तेजक दृश्य, द्धअर्थी संवाद, महिलालाई गाली गलौज गरिएका शब्द र नायिकाले भित्री वस्त्र देखिने गरी लगाएको पोशाकलाई आधार बनाउँदै सेन्सर वोर्डले यो फिल्मलाई एडल्ट सर्टिफिकेट थमाएको छ । जसले गर्दा यो फिल्मका दर्शक १६ बर्ष माथीका मात्र हुनेछन् । दशैंको अवसरमा कालीले तानेको दर्शकलाई यो फिल्मले तान्न सक्ला त ? एक साता भित्रमा सुमिनाको स्टार पक्कै देखिने छ ।
