निर्माता छविराज ओझासँगको १० वर्षे वैवाहिक जीवनलाई विश्राम दिएकी अभिनेत्री रेखा थापालाई अभिनेता किशोर खतिवडाले बेहुली बेनाउने ईच्छा व्यक्त गरेका छन् । रेखा फिल्मस्कै कस्ले चार्यो मेरो मनबाट रजतपटमा डेव्यु गरेका अभिनेता खतिवडाले रेखालाई सितारको घुम्टो ओढाई ढोली चढाउने चाहना फुलपाती रिलिजको फिल्म कालीको एक गीतमा व्यक्त गरेका हुन् ।
असोज २५ गते अल नेपाल रिलिज हुने फिल्मको कल्पानिक रोमान्टिक गीतलाई अभिनेत्री रेखा थापाले आफ्नो फेसबकु मार्फत रिलिज गरेकी हुन् । बसन्त सापकोटाको संगीत रहेको 'दिलको कुरा...' बोलको गीतमा दिपक लिम्बुको स्वर छ । काली फिल्मको 'स्लोली स्लोली ..' बोलको गीत यतिखेर बजारमा हिट छ । किरण खरेलले शब्द रचना गरेका छन् ।
शविर श्रेष्ठ निर्देशित फिल्ममा अभिनेत्री रेखा थापा र अभिनेता किशोर खतिवडा मुख्य रोलमा छन् । फिल्मले देशको पुलिस प्रशासनमा नारी वर्गको सशक्त सहभागिताको कथा उठाएको छ ।
