अभिनेत्री रेखा थापा यतिखेर कतारमा छिन् । यही बुधबार रातको १२ बजे रेखा कतार एयरवेजबाट कतार प्रस्थान गरेकी थिइन् । कतार स्थित नेपालीले खोलेको ग्रान्ड मार्ट सपिङ सेन्टरको उद्घाटन गर्न रेखा त्यहाँ पुगेकी हुन् ।

रेखाले हिजो (असोज १० गते) ग्रान्ड मार्ट सेन्टरको केक काट्दै उद्घाटन गरिन् । मार्ट सेन्टरको उद्घाटन गर्दै रेखाले फुलपाती रिलिजको कालीको पनि प्रचार गरिन् । रेखा टिकट पाए आज साँझ (शुत्रबार) नै नभए असोज १२ गते नेपाल ब्याक हुने ड्याडी (छविराज ओझा) ले जानकारी गराए । केक काट्न छविले नै रेखालाई कतारमा उडाउने व्यवस्था मिलाएका थिए ।

कालीको पोस्टर्स बनाउन व्यस्त छविले रेखा नेपाल आए लगत्तै पर्सा जाने जानकारी गराए । रेखा थापालाई एमाओवादीले पर्सा क्षेत्र नं. १ बाट आगामी संविधान सभाको प्रत्यक्ष निर्वाचनमा उठाउने सिफारिस गरेको छ ।