औपचारिक कार्यक्रमको उद्घाटन कसरी गरिन्छ ? कार्यक्रमको संरचनामा भर पर्न सक्छ । सामान्यतया: औपचारिक कार्यक्रमको उद्घाटन दिप ज्वलन गरेर या रिवन काटेर गर्ने गरेको पाइन्छ । तर, हिजो किरण केसी राता मकैले आयोजना गरेको सम्मान कार्यक्रमको उद्घाटन भने फरक शैलीले गरियो ।

नयाँ बानेश्वरस्थित इन्द्रेणी फुडल्याण्डमा आयोजित 'हाँस्य ब्यङ्ग्य हिजो आज र भोली २०७० छलफल'को औपचारिक उद्घाटन हाँसेर गरियो । हाँसेर कार्यक्रमको औपचारिक उद्घाटन गरिएको सम्भवतः नेपालमा पहिलो पटक हुन सक्छ । हाँस्य सम्राट मह जोडी र ध्रुब रत्न हाँडालाई सम्मान गरिएको कार्यक्रमका सञ्चालक लय संग्रौलाले प्रमुख अतिथि सहित उपस्थित सबै पाहुनालाई हाँस्न लगाएका थिए ।

सञ्चालकले भने अनुरुप सबै जना उठेर ६० सेकेन्ड हाँसेका थिए । हाँसेर उद्घाटन गरिएको कार्यक्रमको अवधी लामो हुँदा भने प्रायको अनुहार निराश देखिन्थो । कार्यक्रमको अवधी लामो हुन जाँदा पाहुनाले भन्दै थिए- 'बोल्ने बक्ताले पनि हाँसे मात्रै हुने थियो नि !'