प्रविधिको आधारमा फिल्म वर्गीकरण गरिनु हुन्नु भन्दै चलचित्र समाज महासंघले हालेको रिट उपर सर्वोच्च अदालतमा सुनुवाई भएको छ । ज्ञानेन्द्र बहादुर कार्कीको इजालसले रिट उपर अन्तरिम आदेश दिदै पक्ष र विपक्षी दुवैलाई छलफलमा बोलाएको छ ।
यही साउन १३ गते आईतबार सञ्चार मन्त्रालय, सञ्चारमन्त्री, विकास वोर्ड अध्यक्ष र वोर्डका सदस्य सचिवलाई विपक्षी बनाउँदै सर्वोच्चमा फिल्म वर्गीकरण नीति विरुद्ध रिट दायर भएको थियो । छलफलको मिति भने सर्वोच्चले साउन १७ गते दिने तारिखमा उल्लेख हुनेछ । महासंघका अध्यक्ष केपी पाठकले हालेको रिट उपर अधिवत्ता रमन कुमार श्रेष्ठ, टिकाराम भट्टराई र कृष्ण ढुङ्गानाले बहस चलाएका थिए ।
