कवि हिरो जीवन लुइँटेलले यो वर्ष अवार्ड ग्रहणमा ह्याट्रिक गरे । एनएफडिसी राष्ट्रिय चलचित्र पुरस्कारसँगै यही (वर्ष ०७०) सम्पन्न फिल्मीखबर साप्ताहिक पत्रिका र अनलाईन फिल्मीखबर पपुलर अवार्ड (ओफा)मा नसीब आफ्नो डेव्यु हिरो सर्वोत्कृष्ट अभिनेता घोषित भए । मिडियाले पनि जीवनलाई नै वर्ष ०६९ को नम्वर एक हिरोको दर्जा दियो ।

कोट पाईन्टमा सजिन मन पराउने जीवनका गत वर्ष मालतीको भट्टी, रिदम र ०७० को पूर्वाधमा नोटबुक फिल्म प्रदर्शनमा आए । मालतीको भट्टी र रिदमको हिट व्यापारसँगै नोटबुकको मध्यम व्यापारले जीवनलाई हिट हिरोमा उभ्यायो । अभिनेता सौगात मल्ल, आर्यन सिग्देल, राजवल्लभ कोइराला र पुच्चे संयम पुरीसँग जीवनको प्रतिस्पर्धा रह्यो । हालसम्म सम्पन्न अवार्डमा आफ्ना प्रतिस्पर्धीलाईa उछिनेका जीवन अन्य अवार्ड समारोहमा पनि उत्कृष्ट होलान् ? नेपाल सरकारको राष्ट्रिय चलचित्र पुरस्कारसँगै नेफ्टा र डिजिटल फिल्मीखबर अवार्ड पनि आयोजना हुन बाँकी छन् ।

अभिनय गरे वापत करिश्मालाई पहिलो पुरस्कार

अभिनेत्री करिश्मा मानन्धरले पहिलो पटक अभिनय गरेवात पुरस्कार हात परिन् । एक सय भन्दा बढी फिल्ममा अभिनय कला देखाएकी करिश्माले शनिबार सम्मन्न एनएफडिसी राष्ट्रिय चलचित्र पुरस्कारमा बसुन्धरा सह-अभिनेत्रीको पुरस्कार हात पारिन् । सुन्दरी करिश्मालाई फिल्म मायाज बारमा उत्कृष्ट अभिनय गरेवापत सह-अभिनेत्रीको पुरस्कार प्रदान गरिएको थियो ।

स्व.राजा विरेन्द्र शाहबाट दक्षिण बाहु पुरस्कार हात पारेकी करिश्मालाई आफुले उक्त अवार्ड टाईटल पाउँछु जस्तो लागेको थिएन रे । आर्मी अफिसर्स क्लबको साँझमा रातो साडीमा सजिएकी करिश्माले अनुभव सुनाइन्- 'लौ मैले पनि अवार्ड पाएँ र भन्ने लाग्यो । हाम्रो पालामा खासै अवार्ड कार्यक्रम हुदैन्थ्यो ।' होम प्रोजेक्टको विषयमा योजना बनाइरहेकी अभिनत्रीले भनिन्- 'काम गर्दा कहिल्यै अवार्ड पाउने अपेक्षा गरिएन । अवार्ड मलाई भन्दा पनि नयाँ बैनीलाई दिएको भए काम गर्न हौसला मिल्थ्यो ।'

अभिनेत्रीको अवार्डमा भुवन केसीको नाम

एनएफडिसी राष्ट्रिय चलचित्र पुरस्कार अन्र्तगत उत्कृष्ट अभिनेत्री तर्फको पुरस्कार सम्झन लायक बन्यो । नेपाली फिल्मको पहिलो अभिनेत्री भुवन चन्द र अभिनेता भुवन केसीको नाममा सर्वोत्कृष्ट अभिनेत्रीलाई पुरस्कार दिइयो । अभिनेत्रीलाई दिइने पुरस्कारमा कसरी भुवन केसीलाई समावेश गरियो ? अवार्डमा उपस्थित बिच कानेखुसी चल्यो । कानेखुसी गर्नेबाट सुनियो भुवन महिला प्रेमी छन् त्यसकारण अभिनेत्रीको कोटामा परे ।