सबस्त इन्टरटेन्मेन्ट व्यानरमा निर्माण भएको फिल्म 'मेघा'को फस्टलुक आउट गरिएको छ । १८ सेकेन्डको फस्टलुक प्रोमोमा अभिनेत्री नम्रता श्रेष्ठलाई देख्न सकिन्छ ।
फिल्ममा नम्रताले अभिनेत्री मनिषा कोईरालाका भाई सिद्धार्थ कोईरालासँग अनस्क्रिन रोमान्स गरेकी छिन् तर फस्टलुकमा भने उनी अटाएका छैनन् । सम्झना उप्रेती रौनियारको डेब्यू निर्देशन रहेको यो फिल्ममा नम्रता र सिद्धार्थको साथमा रेमनदास श्रेष्ठ, भिन्तुना जोशीको पनि अभिनय रहेको छ ।
कुशल फोटोग्राफर विकास रौनियार कार्यकारी निर्माता रहेको यो फिल्ममा रामशरण उप्रेतीको छायांकन, गोपाल योञ्जनको संगीत, कमल राईको करियोग्राफी तथा बनिश शाहको सम्पादन रहेको छ ।
