मोडल तथा नायक यशराज गरच विवाह बन्धनमा बाँधिएका छन् । आज (असार ३०) मा उनले काठमाण्डौकी बैङकर प्रेमिका अञ्जना मिश्रलाई हिन्दु परम्परा अनुसार दुलही बनाएका हुन् ।
सुकेधारा अस्थायी घरबाट करिब पचास जना जन्ती लिएर यशराज बिहान १० बजे पुरानो बानेश्वरस्थित अन्नपूर्ण पार्टी प्यालेसमा पुगेका थिए । ३ बजेसम्म चलेको बिहे बिधिमा पञ्चे बाजा घन्काईएको थियो । फिचर फिल्म स्वर डेव्यु हिरो जग्गेको विधिवत् कर्ममा निकै मख्ख देखिन्थे । उनको बिहेमा निर्देशकद्धय आलोक नेम्वाङ, प्रशन्न पौडेल, हिरो अनिल थापा र केही फिल्मी साथीको सहभागिता थियो ।
अन्य फिल्मीकर्मीलाई भने श्रावण २ गतेको बिहे भोजमा निमन्त्रणा दिइएको छ । नक्साल स्थित भेन्यू पार्टी प्यालेसमा साँझ पाँच बजेदेखी सुरु हुने बिहे भोजमा करिब ३ सय नजिक फिल्मकर्मीलाई निमन्त्रणा दिइएको यशराजको भनाई छ । काँचको पर्दामा चम्कने कोशिसलाई जारी राखेका यशराजलाई सफल दाम्पत्य जीवनको शुभकामना !
