नेपालका थ्री ईडिएट्स पैसाको लागि भागदौड गरेका छन् । 'डफर्स' नाम दिईएको फिल्ममा थ्री ईडिएट्सको रूपमा रहेका मुकेश आचार्य, बिक्रम आदित्य शाह र युवराज अधिकारीलाई मुख्य पात्र बनाईएको छ ।
अनन्नय सिने मेकर्सको व्यानरमा निश्चल पौडेलले निर्देशन गरेको कमेडी 'डफर्स'लाई उमेश घोराशैनी, निर्जल पौड्याल, प्रदीप पुरी, प्रभाकर पुडाशैनी लगायतले मिलेर निर्माण गरेका हुन् । फिल्मका प्रस्तुतकर्ता भने मणिराम पौड्याल हुन् । काठमाण्डौ र चितवनमा सुटिङ गरिएको यो फिल्मको रिलिज डेट तय गरिएको छैन । टिजर भने आज सार्वजनिक गरियो ।
निर्देशक निश्चल र निर्माता उमेशले मिलेर 'डफर्स'को कथा तयार पारेका हुन् । फिल्ममा दि एक्स ब्याण्डको संगीत, मनोज कुमार पन्तको छायाँकन तथा रोशन लामिछानेको सम्पादन रहेको छ ।
