देशमा चुनाव हुने नहुने टुंगो छैन तर अभिनेता राजेश हमाल भने दशकसामु नेता भएर उपस्थित हुँदैछन् । बेलाबेला राजनीतिमा प्रवेश गर्ने अर्न्तवार्ता दिने हमाल रियल लाईफमा नभएपनि रिल लाईफमा भने नेता बनेका हुन् ।

दर्शकमाझ पहिलो पटक ठूलो पर्दामा देखिन लागेकी चर्चित गायिका कोमल ओली पनि राजनीतिमा आउने हल्ला चलिरहेको छ । आगामी चुनावमा कोमलले टिकट पाए नेता बन्ने छनक देखाएकी छिन् । रियलमै नेता बन्ने शुरमा रहेकी ओली पनि फिल्म राजनीतिमा हमाल जस्तै नेता बनेकी छिन् । उनले फिल्ममा हमालसँग अनस्क्रिन रोमान्स पनि गरेकी छिन् । फिल्मलाई बसन्त निरौलाले निर्देशन गरेका हुन् ।

 

बिएन फिल्सको व्यानरमा दीपक सुवेदी र दीपक कुमार भट्टराईले निर्माण शुरू गरेको फिल्म 'राजनीति' मा राजेश र कोमलको साथमा दीपक कुमार भट्टराई, दीपक सुवेदी र पवित्रा आचार्यको पनि मुख्य भुमिका रहेको छ । अर्जुन पोखरेलको संगीत, शिव ढकालको छायाँकन तथा अष्ट महर्जनको द्धन्द रहेको यो फिल्म आगामी भाद्र २८ गते रिलिज हुनेछ । फिल्मले वर्तमान नेपालको राजनैतिक अवस्थालाई चित्रण गर्ने निर्देशकको भनाई छ ।