बिभिन्न स्क्यान्डलले गर्दा बारमबार चर्चामा आइरहेकी नायिका सुमिना घिमिरे पुन: बिबादित र आलोचित बनेकी छिन् । असार १४बाट देशभर रिलिज हुन लागेको फिल्म 'लभ फरेभर'को प्रोमोसनमा साथ नदिएको भन्दै फिल्मका निर्माण टिमले सुमिनालाई अब फिल्मको पब्लिसिटी लगायत सम्पूर्ण कार्यक्रमबाट बहिस्कारको घोषणा गरेको छ ।
धरानमा चलचित्र महोत्सबसंगै फिल्मको पब्लिसिटी गर्न भनेर पुर्व आएपनि झुट कुरा बोलेर धोका दिए पछि यस्तो निर्णय गरेको निर्देशक शंकर आचार्यले दमकमा पत्रकार सम्मेलन गरेर जानकारी गराए । धरान आएपछि पुर्वको प्रोमोसनमा साथ दिने बताए पनि आज बिहान आफ्नी दिदी काठमाण्डौमा अस्वस्थ भएको र तुरून्त काठमाण्डौ जानपर्ने भनेर सुमिनाले जानकारी गराएको आचार्यले बताए । तर सुमिनाको दिदी साधना घिमिरेलाई फोन गर्दा आफु दुर्घटनामा नपरेको र कलेजमा अध्यन गर्दै गरेको बताए पछि सुमिनाले झुट बोलेको प्रमाणित भएको आचार्यले बताए ।
महोत्सबमा आउँदा गाडीमा आएकी सुमिना आज बेलुकाको फ्लाइटमा काठमाडौँ फर्केकी थिईन् । यसरी झुट बोलेर प्रोमोसनमा साथ नदिएको र पत्रकार धम्कि लगायतका बिषयमा समेत बिबादित बनेकोले फिल्मको अब हुने सम्पूर्ण पब्लिसिटी लगायतका कामबाट उनलाई हटाऊन बाध्य भएको शंकरले बताए । उता सुमिनासंग यो बिषयमा प्रतिक्रिया लिदा आफुले दिदीको बिषयमा केहि कुरा नगरेको बताईन् । नवल खड्काले निर्माण गर्न लागेको फिल्म 'भीमदत्त'को तयारी गर्नु पर्ने भएकोले आफु पब्लिसिटीमा जान नसकेको उनको भनाई छ । महोत्सबमा आउँदा धरानमा पब्लिसिटीमा साथ दिएको भन्दै निर्माण टोलिले फिल्म चलाउन सस्तो प्रचारबाजी गरेले फिल्मको पब्लिसिटीमा आफ्नै हिसाबल लाग्ने उनले बताईन् ।
उता निर्देशक आचार्य भने आफुले उनलाई प्रोमोसनमा जानको लागि जानकारी दिएको एसएमएस आफुसंग सुरक्षित रहेको बताए । धरानको महोत्सब नै आलोचित बनिरहेको बेला यहि माहोलमा अर्को विवाद सृजना हुन गएको छ । यता नायक गजित बिष्ट, निर्देशक शंकर आचार्य र कलाकार माधव आचार्यले भने आज पुर्वको विभिन्न ठाउँमा फिल्मको प्रोमोसन गरेका छन् । उनीहरुले दमकमा प्रेस मिटको अलावा स्थानीय एफएम, टेलिभिजन पुगेर अन्तर्वार्ता समेत दिएका थिए ।
