मिडिया हाईप दिनानु दिन बढाईरहेको कर्कश फिल्मसंग फर्मुला श्रेणीको ढुकुटी फिल्म जुध्न आउने भएको छ । जेठ ३१को मितिमा ढुकुटीले आफ्नो अड्ढा कर्कशसंगै जमाउने निधो गरेको हो ।
शुक्रबार राजधानीमा आयोजित प्रेस मिटमा ढुकुटी टिमले टिपिकल नेपाली फिल्म भन्दै जेठ ३१मा आफ्नो सफलता शत प्रतिशत हुने दावी गरेको गरेको छ । डिके पुनः मगरको डाईरेक्सन रहेको ढुकुटीमा झरना थापा, प्रिया रिजाल, धीरेन शाक्य र सुशिला बुढाको मेन रोल छ । यूनिटले टिपिकल स्टोरीको राम्रो फिल्म बनेको दावी गरिरहँदा प्रेस मिटमा उपस्थित डाईरेक्टर्स गिल्डका चेयरम्यान दिनेश डिसी, प्रोड्यूसर एसोसिएसनका राजकुमार राई र फिल्म जर्नलिष्ट एसोसिएसनका विदुर गिरीले सफलताको कामना गरे ।
रेशम सापकोटाको कथा, पटकथा, संवाद र गीत रहेको यो फिल्ममा रनजीत गजमेरको संगीत, रोशन श्रेष्ठको द्वन्द्व, शिव विकको नृत्य, यम आलेको छायांकन र मित्रदेव गुरुङको सम्पादन रहेको छ ।
