बरिष्ठ निर्देशक तुलसी घिमिरे बुटवलमा सम्मानित भएका छन् । नेपाली फिल्मको माध्यमबाट दलित आन्दोलनमा सघाउ पुर्याएको भन्दै घिमिरेलाई भगत सर्वजित स्मृती प्रतिष्ठान बुटवलले सोमबार सम्मानित गरेको हो ।
दलित आन्दोलनका अगुवा भगत सर्वजित बिश्वकर्माको स्मतृी प्रतिष्ठानको भवन उदघाटन कार्यक्रमको अवसरमा घिमिरेलाई सम्मान गरिएको हो । निर्देशक घिमिरेलाई पुर्व उप-प्रधानमन्त्री तथा एमाले नेता केपी शर्मा ओलीले खादा तथा सम्मान पत्रले सम्मान गरेका हुन् । सम्मान पछि बोल्दै निर्देशक घिमिरेले सम्मानले आफुलाई सामाजिक विषयवस्तुमा फिल्म निर्माण गर्नको लागि झनै उत्साहित बनाएको बताए ।
