फागू पूर्णिमाको दिन जन्मेका फिल्मकर्मी तथा अभिनेत्री करिष्मा मानन्धरका पति बिनोद मानन्धरले आज मंगलबार आफ्नै निवासमा बर्थ डे सेलिब्रेट गरे । होलीको अवसर पारेर बिनोदले फिल्मकर्मी तथा सञ्चारकर्मीमाझ आफ्नो बर्थ डे सेलिब्रेट गरेका हुन् ।

आफ्नो उमेर नखुलाएका बिनोदलाई उपस्थित फिल्मकर्मी तथा सञ्चारकर्मीहरूले जन्मदिनको शुभकामना दिएका थिए । 'मेरो जन्मदिन परेकाले पनि हामीले हरेक बर्ष होलीको कार्यक्रम राख्ने गर्छौं,' बिनोदले भने- 'सबैसँग भेट पनि हुने अनि रमाईलो पनि हुने । यसरी जन्मदिन मनाउन पाउँदा निकै रमाईलो हुन्छ ।' आफ्नो जन्मदिनमा अमेरिकामा रहेकी छोरी कवितालाई निकै मिस गरेको बिनोदले बताए ।