निर्देशक समाजमा नेतृत्वकर्ताको कामकारबाही प्रति असन्तुष्टी जनाउदै निर्देशक दिनेश डिसीको नेतृत्वमा दर्ता गरिएको अविश्वासको प्रस्ताव असन्तुष्ट पक्षले फिर्ता लिएको छ । असन्तुष्ट पक्षले गरेको बिशेष साधारणसभाको मागलाई समाजको कार्यसमितीको बैठकले आगामी बैशाख ७ गते गर्ने निर्णय गरेपछि उक्त अविश्वासको प्रस्ताव फिर्ता लिईएको निर्देशक डिसीले बताए ।
'समाजको गरिमालाई उच्च राख्दै दुई पक्षको आपसी छलफलबाट बिशेष साधारणसभा गर्ने सहमती भएकाले असन्तुष्ट पक्षले आरोप सहित अविश्वासको प्रस्ताव फिर्ता लिनुभएको हो', समाजका महासचिव एमएस अग्रजले बताए । अविश्वासको प्रस्ताव आउन लागेको चाल पाएपछि आफू कुनै पनि बिबादमा नपर्ने भन्दै समाजका अध्यक्ष विमल पौडेलले गत फाल्गुन २५ गते आफ्नो पदबाट राजिनामा दिएका थिए ।
यसअघि थुप्रै सदस्यहरूले वर्तमान कार्यसमितीको कार्यशैली चित्त नबुझेको भन्दै राजिनामा दिएका थिए । अब बैशाखमा हुने बिशेष साधारणसभाले रिक्त रहेको अध्यक्ष पद परिपूर्ती गर्ने छ । यस्तै उक्त बिशेष साधारणसभा बार्षिक प्रतिवेदन पनि प्रस्तुत गरिने महासचिव अग्रजले बताए ।
दुई पक्ष विच भएको सहमती पत्र
