पाँच सय भाग पुगेको अबसरमा नेपालको नम्बर वान टेलिभिजन कार्यक्रम तीतो सत्य यूनिटले सम्पूर्ण तयारी गर्दा पनि फिल्म निर्माणको घोषणा भने गर्न सकेन । सो यूनिटले दिनेश डिसीलाई निर्देशकको रुपमा अनुबन्ध गर्ने प्रतिबद्धताका साथ बिग स्क्रिनमा सिच्वेशनल कमेडीलाई दर्शकमाझ ल्याउने तयारी गरेको थियो तर ५ सय औँ भाग पुगेको अवसरमा आफ्ना फिल्मका हिरोहरु बाहिर रहेको भन्दै घोषणा गर्न नसकेको बताईएको छ ।

फिल्म निर्माण घोषणा हुन नसक्नुका पछाडी अन्य प्राविधिक कारणहरु पनि रहेको निर्देशक दीपक राज गिरीले जानकारी दिएका छन् । यध्यपी कमेडी  जगतका चर्चित सात हिरोहरुको साथमा आफूहरु बिग स्क्रिनमा चाढै आउने उनको दाबी छ । शनिबार दश बर्ष पुगको अबसरमा  तीतो सत्य यूनिटले आफ्नो पाँच सय भागलाई आफै माथि व्यङ्ग्य प्रहार गरी कार्यक्रम प्रस्तुत गरेको थियो ।