कलाकारिताको भिडमा कुन किसिमको खोल ओढेर मान्छे आउछ त्यो छुट्याउन सकिन्न नत त्यसलाई रोक्ने कुनै आधारहरु नै छन् । र, यहि भिडमा फिल्म लाईनमा आफूलाई राज हमाल नामले चिनाएका खुशिवु हमाल ठकुरी भारतीय प्रहरीको गिरफतारीमा परेका छन् ।
बाटुली, बन्धकी सहित म छु नि तिम्रो फिल्ममा सामान्य भूमिका निर्वाह गरेका उनलाई मानव तस्करीको आरोपमा प्रहरीले प्रक्राउ गरेको हो । जुन समाचार द् टाईम्स अफ ईन्डियाले आफ्नो अनलाईन संस्करणमा छापेको छ । समाचारमा उनी सहित उनका दुई सहयोगी सूर्य कार्की र कमल चौधरी पनि भारतीय प्रहरीको हिरासतमा रहेको उल्लेख छ ।
उनीहरुको साथबाट ४७ जना नेपाली सहित ५ जना भारतीयको भिसा लागेको पार्सपोर्ट र नगद ८ लाख प्रहरीले बरामद गरेको उल्लेख छ । केही भारतीय सञ्चार माध्यमहरुले राजलाई नेपालका सुपरस्टार एरेष्टेड भन्ने हेडलाईन बनाईरहेका छन जुन समाचारमा कलाकार संघका अध्यक्ष नवल खड्काले आफ्नो ध्यानकर्षण भएको जनाएका छन् ।
टाईम्स अफ ईन्डियामा प्रकाशित समाचार पढ्नका लागि लिंकमा क्लिक गर्नुस ।
