गायक प्रमोद खरेल ट्याक्सी दुर्घटनामा परेका छन् । शुक्रबार पर्वतमा भएको कन्र्सट सकेर पोखरा फर्किने क्रममा उनी चढेको ट्याक्सी राति ८ बजे पोखरा स्थित हेम्जा फेदी भन्ने स्थानमा दुर्घटनामा परेको हो । ट्याक्सी सडक छेउको विजुलीको पोलमा ठक्कर खादै चार–पाँच बल्ड्याङ तल पल्टिएको थियो ।
कच्याककुचुक भएको ट्याक्सीको झ्यालको सिसा फोडी उनलाई स्थानिय गाउलेले रेस्क्यू गरी चरक हस्पिटलमा लगेका थिए । उनको कुम र टाउकोमा चोट लागेको छ । यस्तै खरेलले फिल्मीखबरसंगको कुराकानीमा ठूलो दुर्घटनामा पनि आफू सकुशल भएकाले चिन्ता नगर्न भनेका छन् ।
उनी दश बिहान दश बजे बिहान काठमाण्डू आईसकेका छन् । उनको साथमा स्थानिय चकलेट साप्ताहिकका पत्रकार गणेश पौडेल पनि ट्याक्सीमा रहेकाले उनलाई पनि ईन्टरनल चोटपटक लागेको छ । 'हिजो राति चाहि ठूलै एक्सीडेन्टमा परे जस्तो भएको थियो तर सामान्य उपाचर पश्चात बाहिरी चोट छैन त्यसैले काठमाण्डू फर्किएको छु,' खरेलले भनेका छन् ।
बाहिरी चोट ठूलो नदेखिए पनि उनको टाउकोको सिटी स्क्यान गर्नुपर्ने डाक्टरले सल्लाह दिएको दिएका छन् ।
