हिरोईन नीता ढुङ्गानाले संसारकै सवैभन्दा प्रिय ब्यक्तिलाई आज गुमाएकी छिन् । उनले आफ्नी पुजनीय आमालाई अल्प आयुमै गुमाएकी हुन् । लामो समय देखि दम रोगी उनकी आमा मिना कुमारीको ५३ बर्षको उमेरमा निधन भएपछि उनी आज शोकको घडीमा पुगेकी हुन् ।
गृहनगर हेटौडाको विभिन्न लोकेशनमा आर्यन सिग्देलको अपोजिटमा दबाब फिल्ममा ब्यस्त रहेकी उनी अब करिब १५ दिन सो फिल्मको सुटिङ सेटबाट टाढा रहने निश्चित छ । एक दाई मलेसियामा रहेकाले उनका भाई अहिले काज क्रियामा उत्रिएका छन् । संसार चिनाउने आफ्नी आमा गुमाएकी नीतालाई यो शोकको घडीमा धैर्यधारण गर्ने क्षमता ईश्वरले प्रदान गरुन् भन्ने फिल्मी खबर कामना गर्दछ ।
