दश बर्षअघि तिम्रो माया उनान्न सय  मेरो माया सय मा अभिनय गर्ने बाल कलाकार रूमी गुरुङ अब जवान भईसकेकी छिन् । निर्देशक एवं कलाकार ओम प्रतीककी छोरी रूमी अहिले २० बर्षकी भएकी छिन् जसलाई हिराईनको रुपमा  डेब्यू गर्ने  तयारी पनि  भईरहेको छ ।

'उनी मेरी छोरी हुन्,' अभिनेत्री दीपाश्री निरौला, फाईट माष्टर राजेन्द्र खड्गी, हिरो रमेश उप्रेती लगायतका सेलिब्रेटीलाई परिचय गराउदै निर्देशक ओम प्रतीक  प्रशंशाको शब्द बटुलिरहेका थिए । रमेशले परिचयको क्रममा आफ्नै फिल्म (तिम्रो माया उनान्न सय मेरो माया सय)मा खेलेकी यी कलाकारलाई देख्दा तीन छक्कनै  परे । प्रतीक  आज बिहान कमलपोखरी स्थित कुमारी हलमा आयोजना गरिउको रङ फिल्मको प्रेस शोमा छोरी सहित उपस्थित थिए । हल प्रवेशको समयमा उनी छोरीका साथ आउदा सुरुमा धेरैले उनी प्रति अनर्थ लगाएका थिए पछि छोरी रहेको थाहा पाउदा यी बाबु छोरी आकर्षणको केन्द्र बनेका थिए  ।