थोरै बजेटमा राम्रा फिल्म बनाउने भन्दै निर्देशक आर. बि. के शरदले एक साथ तीनवटा फिल्म निर्देशनको घोषणा गरेका छन् । उनले आफ्ना तीन फिल्महरु सिसा, आँचल र मै छोरी सुन्दरी  निर्माण घोषणा  संगै फिल्मको शुभसाईत समेत गरे ।

यस अघि नैना रेशम तथा नाईट क्वीन फिल्म बनाएका शरदले म्यूजिकल लभस्टोरी आफ्नो प्याटनलाईे नछाड्नै भन्दै सोही जनरका तीन फिल्मको शुभसाईत गरेका हुन् । शुभसाईतका लागि डिआईजी नवराज सिलवाल सहित फिल्म क्षेत्रका बरिष्ठ ब्यक्तिहरुको उपस्थिती रहेको थियो जसले घोषणा बमोजिम उत्कृष्ट फिल्म बनाउन निर्देशक सफल हुन भनी शुभकामना दिएका थिए । घोषणा गरिएका मध्ये दुई फिल्म सिसा र आँचल यहि फाल्गुन १५ देखि क्रमश फ्लोरमा जाने मुहुर्त समारोहमा जानकारी दिइएको छ ।