रोड प्ले तथा  थिएटर पर्फमेन्स एवं डाईरेक्सनको २२ बर्षे अनुभव संगाल्दै अनुप  बराल फिल्म डाईरेक्सनमा  उत्रिएका छन् । ३ सय बढी सडक नाटक र ४८ वटा ठूला नाटक निर्देशन गरि अनुवभ बटुलेका बरालले भ्यालेन्टाईन्स डे शुभ दिनमा आफ्नो पहिलो प्रजोक्ट फिटकिरी निर्माणको घोषणा गरे ।

प्रणय दिवसको  दिन यी अनुभवी अभिनेताले आफ्नो विलवेट दिया मास्केलाई पनि यो फिल्ममा  लिड रोल दिएका छन् । ईन्भेस्टिकेशन थ्रील जनरको यो फिल्ममा उनका चेला हाकु काले (सौगात मल्ल) प्रमुख भूमिकामा छन् । यी बाहेक गत बर्षको बल्कबष्टर फिल्म लुटका डाईरेक्टर निश्चल बस्नेत र लुट फिल्मकै प्रोड्यूसर माधव वाग्लेको नयाँ फिल्मका डाईरेक्टर पूर्णेन्दु झा सहित धीरेन्द्र प्रेमर्शी र रमेश रञ्जन झा पनि यो फिल्मका कलाकार रहेको प्रेस मिटमा जानकारी दिईएको छ ।

यो फिल्मको कथा निकै चर्चित फिल्म जर्नलिष्ट यज्ञशले तयार गरेका हुन् । गीत लेखन पनि चर्चित गीतकार भुपेन्द्र खड्काको रहेको छ ।  चपली हाईट प्रोड्यूसर अर्जुन कुमारले यो फिल्मलाई नयाँ प्रोड्यूसर सुमित मैनालीसंगको साझेदारीमा निर्माण गर्न लागेका हुन् । 'हामीले राम्रो टिमको साथमा नयाँ फिल्म लिएर आएका छौ तसर्थ फिल्म राम्रो बन्छ भन्ने विश्वास छ,' अर्जुनले प्रेस मिटमा भने । उनले अनुप बरालको अनुवभ थिएटर तर्फको हुदा फिल्म कर्मशियल भ्यालुको नबन्ला भन्ने प्रश्न पनि उठेको  भन्दै  सो बिषयलाई आफूहरुले चिर्ने किसिमले स्क्रिप्ट तयार गरेको दाबी गरेका छन् ।