चार दिन देखि आमरण अनसनमा रहेका हिरो मुकेश ढकालको स्वास्थ्य अवस्था विग्रिएको छ । आमरण अनसनमा बसेका उनी सहित निर्देशक समाजका सचिव एम.एस अग्रज, कलाकार निला बस्नेत र अर्का निर्देशक सूर्य रेग्मीको पनि स्वास्थ्य अवस्थामा समस्या आएको छ ।
'एम.एस जीको चाहि ब्लड प्रेसर बढेको छ अरुको पुरै डाउन भएको छ त्यस मध्ये मुकेशजी पुरै कमजोर भईसक्नु भो', संयूक्त आन्दोलन संघर्ष समितिका सचिव सुरेश दर्पण पोखरेलले जानकारी गराए । स्वास्थ्य अवस्था विग्रिएपछि चाबहिल स्थित ओम नर्सिङ अस्पतालबाट आएका डाक्टरहरुले तुरुन्त अस्पताल भर्ना गर्नुपर्ने वा अनसन तोड्न आग्रह गरेको सुरेशले जानकारी गराएका छन् । तर हिरो मुकेश भने आन्दोलनले टुङगो नपाए सम्म कसैको आग्रह नमान्ने अडानमा छन् ।
स्वास्थ्य अवस्था विग्रिएपछि राष्ट्रिय मानवअधिकार आयोगको पनि यो बिषयमा ध्यानकर्षण भएको छ । आन्दोलनलाई टुङग्याउने बिषयमा सञ्चार मन्त्रालयमा हिजो देखि भईरहेको बार्तामा यो घटनाले सरकारलाई थप दवाव दिएको छ । सम्भवत सञ्चार मन्त्रालयमा बिहान ११ बजे देखि चलिरहेको बार्ता सहमतिमा टुङिग्ने अवस्था पनि रहेको संघर्ष समितिले जनाएको छ । बार्ता टुङिग्नका लागि उठाईएका नौँ बुदे मागमा सचिव स्तरबा टनै लिखित सहमति हुने अवस्था देखिएको छ ।
