फिल्म जर्नलिष्ट दिनेश सिटौलालाई मातृ शोक परेको छ । लामो समय देखि दम रोगी उनको ममतामयी माता जानुकाको ६० बर्षको उमेरमा हिजो राति निधन भएकाले उनी अहिले शोकको घडीमा छन् । प्रदर्शनी मार्ग स्थित मेडेल अस्पतालमा उपचारको क्रममा उनको आमाको निधन भएको हो ।
एन.टी.भी प्लसमा हरेक बुधबार सिनेमा नेपाल नामक कार्यक्रम चलाउदै आएका उनी बिहान पशुपति आर्यघाटमा गरिएको दाहसस्कार पश्चात आफ्नै निवास बालाजुमा अन्य तेह्र दिने पुण्य कार्यमा छन् । निकै सोझो, ईमान्दार र कसैको कुभलो नचाहने जर्नलिष्टको रुपमा चिनिएका उनलाई यो शोकको घडीमा धैर्य धारण गर्ने क्षमता मिलोस भन्ने फिल्मीखबरको कामना छ ।
