फिल्म नचलिरहेको अवस्थामा चलेका कलाकारलाई लिएर पैसा खर्च गरि फिल्म बनाउनु भन्दा नयाँ अनुहारलाई लिएर सस्तोमा फिल्म बनाउनु बुद्धिमानी हुने तर्क ऋषि न्यौपानेको छ । त्यसैले उनी निर्माणाधिन फिल्ममा थिएटरका नयाँ अनुहारलाई लिएर फिल्म निर्माणको तयारीमा छन् ।
माघ २० गते भित्रमा सुटिङमा जाने बताईएको 'तनाव' फिल्मका लागि निर्देशक न्यौपानेले नयाँ अनुहारको छनोट गरिरहेको बताए । 'चलेको अनुहार राखेर पनि दर्शक नआएपछि नयाँ अनुहार लिएर काम गर्न लागेको छु', ऋषिले भने- 'दर्शकले फ्रेस कलाकारको अभिनय हेर्न पनि पाउने मेरो निर्मातालाई खर्च कम गरे हुने ।' ऋषिले एक साता भित्रमा सम्पूर्ण कलाकार फाईनल हुने बताए ।
तनावमा आए पछि मान्छे कति सम्म तल गिर्न सक्छ भन्ने कुरालाई मुख्य बिषय बनाएर ऋषिले तयार पारेको फिल्मको कथामा बिबेक सापकोटाले लगानी गरि फिल्म निर्माणको तयारी गरेका हुन् । चेतन सापकोटाको संगीत रहने यो फिल्ममा गणेश श्रेष्ठको छायाँकन रहनेछ भने करियोग्राफी बब्बु थापा र प्रदीप श्रेष्ठको रहनेछ । गीत बाहेक सम्पूर्ण सुटिङ काठमाण्डौमा नै गरिने निर्देशकले जानकारी गराए ।
