उठाईएका मागहरु प्रति सरकारले चासो नदेखाएको भन्दै फिल्मकर्मीहरुले राष्ट्रको प्रमुख शक्ति केन्द्र सिंहदरबार घेराउ गर्ने भएका छन् ।
उनीहरुले मंगलबार बिहान ११ बजे देखि अनामनगर स्थित सिंहदरबार पूर्वी गेट परिसरमा भेला भई सरकार विरुद्ध चर्को नाराबाजी गर्न लागेका हुन । चलचित्र बिकास बोर्डमा विज्ञ ब्यक्तिलाई अध्यक्षको रुपमा तत्काल नियुक्त गरिनु पर्ने लगायत विभिन्न ९ बुदे माग लिएर विगत ६ दिन देखि दोस्रो चरणको आन्दोलनमा उत्रिएका उनीहरुले यस पटकको आन्दोलनलाई निर्णायक पनि भनेका छन् ।
'एक महिना अघि निर्देशक समाजका अध्यक्ष विमल पौडेलको अकस्मात आमरण अनसनबाट सुरु भएको यो आन्दोलन झट्ट हेर्दा उल्टो देखिएपनि अब यसले क्रमश शक्ति बढाउदै लैजाने छ तसर्थ आन्दोलनरत फिल्म क्षेत्र बाहेकका अन्य संघसस्थासंग सहकार्य गर्दै साङ्गले जुलुस पनि निकालिने तयारी गरिएको छ । ' कलाकारसंघका अध्यक्ष नवल खड्काले भनेका छन् ।
दोस्रो चरणको यो आन्दोलन कलाकारसंघको मोफसल शाखाहरुको नेतृत्वमा पनि गर्ने तयारी भईरहेको नवलको भनाई छ ।
