माघ पाँचको मिती अहिले अधिकांश फिल्म प्रेमीहरुको पर्खाईमा छ । दर्शकले माघ पाँचमा कलिउडलाई कसरी हेर्ने हुन् त्यो बिषय माघ पाँच पछिकै कुरा हो तर फिल्मी नगरीमा कलिउडले एक किसिमको नयाँ आश देखाएको छ ।
कलिउडका दुई ट्रेलर सहित टाईटल र रोमान्टिक सङ रिलिज पश्चात आईटम गीत रिलिज गरिएको छ । `मेरो नाम काली काली...' भन्दै प्रियंकाले आफ्नो जवानीलाई उन्मात्त भएर पोखेकी छिन् यो गीतमा ।
नवराज आचार्यले फिल्ममा मसला कसरी भरेका छन् त्यो ग्यारेन्टी अहिले दिन सकिन्न तर सुटिङ पिरियडमा यो गीतलाई कोरियोग्राफी गर्ने क्रममा रेनाशा राई र प्रियंकाले दावी गर्दै भनेकी थिईन्, 'म्यूजिक काउन्टडाउनमा यो गीत शत प्रतिशत हिट हुन्छ ।' प्रदीप बास्तोला यो फिल्मका म्यूजिक डाईरेक्टर हुन् ।
