राम्रो काम गर्नेले स्याबासी पनि पाउनु पर्छ र यस्तै ठूलो स्याबासी पाएका छन् निर्देशक नवराज आचार्यले । नेपाली फिल्म ईन्डष्ट्रीको कथालाई डेब्यू प्रोजेक्ट कलिउडमा उत्कृष्ट ढङ्गले प्रस्तुत गरेकाले प्रोडक्सन हाउस जि वान क्रिएसनले अमेरिका रिलिजको सम्पूर्ण राईट्स उनलाई दिएको हो ।
फिल्म निर्देशन गरे वापत पारिश्रमिक समेत बुझेका आचार्यले प्रोडक्सन हाउसबाट पाएको यस किसिमको उत्प्रेरणाबाट उच्च कोटीका फिल्म निर्देशन गर्न थप जागर चलेको बताए । यस्तै प्रोड्यूसर टंक कार्कीले नवराजको कामबाट आफू शत प्रतिशत प्रभावित भएको भन्दै अमेरिका राईट्स मात्र नभई सम्पूर्ण ओभरसिज राईटस् दिने तयारी समेत आफ्नो कम्पनीले गरेको जानकारी दिएका छन् ।
कार्कीले भने, 'यो फिल्म भन्नु नै नवराज दाईको हो त्यसैले उहाँको कामबाट प्रभावित भएर हामीले अमेरिका राईट्स अधिकार उहाँलाई दिएका हौ र अन्य मुलुकको पनि सम्भवत उहाँलाई नै अधिकार दिन्छौ होला ।' माघ ५ गते रिलिज हुने कलिउडमा आर्यन सिग्देल, प्रियंका कार्की, पायल थापा र विष्णु कार्की लिड रोलमा छन् ।
