मनिषा कोईरालालाई पाठेघरको क्यान्सर भएको पुष्टी भएको छ । तल्लो पेटमा अचानक समस्या आएपछि उनलाई गत आईतबार काठमाण्डू स्थित नर्भिक अस्पताल भर्ना गरिएको थियो तर स्वास्थ्यमा सुधार नआएपछि अस्पतालले उनलाई मुम्बई स्थित जसलोक अस्पताल रिफर गरेको थियो ।
जसलोक अस्पतालमा उनी मंगलबार भर्ना भएकी थिईन् । उनलाई कुन किसिमको क्यान्सर भएको भन्ने बारे खुलाईएको थिएन तर पारिवारिक श्रोतलाई उद्रित गर्दै नागरिक अनलाईनले पाठेघर क्यान्सरका कारण मनिषा विरामी भएको उल्लेख गरेको छ ।
बिहिबार पाठेघरको अप्रेशन समेत सकिएका कारण मनिषाको स्वास्थ्यमा सुधार आएको पनि समाचारमा उल्लेख छ । तर पाठेघरको अप्रेशनका कारण उनको सन्तान उत्पादन हुने क्षमतामा ह्रास आएको छ या छैन त्यो भने अस्पताल र परिवारले खुलाएको छैन । मनिषालाई पहिल्यैदेखि पेटमा ट्युमर रहेको बताईएको छ ।
