एक महिने अमेरिका भ्रमण पश्चात महानायक राजेश हमाल स्वदेश फर्किएका छन् । दशै र तिहार मनाउन एवं अमेरिकामा रहेका नेपालीहरुले आयोजना गरेको विविध साँस्कृतिक कार्यक्रममा रमाएर उनी हिजो बुधबार स्वदेश फर्किएका हुन् ।
विगत तीन महिना देखि कुनै पनि फिल्ममा काम नगरेका उनी भोलीदेखि राजु गिरीको रक्षा भन्ने फिल्म सुटिङमा व्यस्त हुनेछन् । यस्तै उनी मंसिर १२ गते पोखरामा आयोजना हुने बृहत शैक्षिक मेलामा सहभागी पनि हुदैछन् । जहाँ उनलाई शैक्षिक क्षेत्रमा नाम कमाएका अन्य तीन ब्यक्तिहरु माझ रथ परिक्रमा सहित अभिनन्दन एवं सम्मान गरिदैछ ।
