यो पटक बडादशैको टिका उनको निधारमा पर्ने छैन तर थाईल्याण्डमा निर्देशक उज्जव घिमिरेले यस पटकको दशैलाई भ्याकेसनको रुपमा मनाउने भएका छन् ।
सफल निर्देशकको ट्याग पाएका उनले नयाँ फिल्म निर्माण गर्दैछन् जसको लोकेशन हन्टलाई एउटा बहाना बनाउदै उनी परिवारका साथ विदेश भ्रमणमा निस्किए छन् । छोरा आयुषलाई हिरो बनाउने तयारीमा समेत रहेका उज्जवलको साथमा आयुष सहित उनको टेलिभिजन जर्नलिष्ट श्रीमती मनीषा पनि संगै रहेका छन् । उनि बिहान ११ बजेको फ्लाईट बाट थाईल्याण्डका लागि उडेका हुन् ।
'हामी थाईल्याण्ड हुदै मकाउ, हङकङ सिङ्गापुर र मलेसिया पुगेर नेपाल फर्किनेछौ ।' उड्नु अघि उज्जवलले भने । 'गत बर्षको हिट फिल्महरुको लिष्टमा उज्जवलको फिल्म अन्दाज परेको थियो जस लगत्तै फार मुभिज अन्र्तगतबाट मापसे भन्ने फिल्म निर्माण गर्ने घोषणा उनले गरेका थिए ।
तर उज्जवलले मासपे निर्माण तत्कालको लागि स्थगित भएको भन्दै नयाँ फिल्मको लागि यो यात्रामा लोकेशन फाईनल पनि हुने जानकारी दिए । बडा दशैंको दुई दिन अघि विभिन्न मुलुक भ्रमणका लागि निस्कन लागेका उनले नेपाल फर्कना साथ फिल्म निर्माणको अफिसिल घोषणा गर्ने जानकारी दिएका छन् ।
