असोज २७ गते हुने चलचित्र कलाकार संघको निर्वाचनका लागि अध्यक्ष पदमा अर्को उम्मेदवारी घोषणा भएको छ । तीन दिन अघि नबल खड्काले उम्मेदवारी घोषणा गरे शैलीमै कलाकार सबिन बाँस्तोलाले पनि आफ्नो उम्मेदवारी आज घोषणा गरेका हुन् ।
फिल्म नगरीमा सविन बाँस्तोलाले परिचित उनको आधिकारिक नाम गिरिधारी हो जसको फिल्म उद्योगमा २० बर्षको कार्य अनुभव छ । टेलिफिल्म र फिल्म सवै तिर अभिनय गर्ने उनले बर्गको उत्थान र चलचित्र प्रवर्द्धन गर्नुलाई आफ्नो प्रमुख लक्ष्य र उद्देश्य बनाएको भन्दै अध्यक्ष पदमा उम्मेदवारी दिने घोषणा गरेका हुन् ।पत्रकार सम्मेलन मार्फत उम्मेदवारी घोषणा गरेका बाँस्तोलासंगै उपाध्यक्ष पदमा चेतबहादुर सिहंले पनि आफ्नो उम्मेदवारी घोषणा गरेका छन् ।
सबिनलाई अध्यक्षमा खुल्ला समर्थन गर्ने गरि आयोजित संयुक्त प्रेस मिटमा उनको घोषणा पत्रलाई चेतबहादुरले पढेर सुनाएका थिए । 'कलाकार संघ कलाकार संघ जस्तो नभएकाले मैले उम्मेदवारी घोषणा गरेको हुँ त्यसैले मेरो कार्यकालमा पार्टीको भर्ती केन्द्र जस्तो हुन दिने छैन', मिडियालाई सम्बोधन गर्दे सविनले भने । अध्यक्ष पदमा आफु किन विजय हुने भन्दै उनले १८ बुँदे प्रतिबद्धतात्मक योजनाहरु ल्याएका छन् जसमा पहिलो प्राथामिकता उनले कलाकारहरुको हकहित र सुरक्षा सहित कलाकारहरुलाई कसरी समृद्ध पार्न सकिन्छ भन्ने रहेको छ । यस्तै उनको योजना भित्रमा प्रमुख आकर्षण बुँदा मध्ये कलाकारहरुको प्रतिभालाई प्रस्फुटित एवं क्षमतावान बनाउन हरेक महिना अन्र्तक्रिया, गोष्ठी, प्रशिक्षण गरिने उल्लेख छ ।
