शुक्रबार बेलुकी ठीक साढे सात बजेको थियो, एक हातमा मोबाईल अर्को हातमा सपिङ गरेर निस्किएको सेतो झोला । हरियो टिर्सट, गलामा गलबन्दी भिरेका नायक हसन खानलाई हतार थिएन त्यो बेला, तर आखाले भने अरू कसैलाई खोजिरहेको थियो ।
अकस्मात काठमाण्डौको दरबार मार्ग स्थित शेर्पा मलसंगैको फेशन अन लिमिटेड अगाडी उभिरहेको अवस्थामा भेटिएका नायक खान सायद प्रेमिकाको पर्खाईमा थिए वा अरू कसैको पर्खाइमा ? प्रेमिकाको पर्खाइमा हो भनी फिल्मीखबरले गरेको प्रश्नमा उनले भने "ए ए हैन. साथीलाई पर्खिएको ।" साथी केटा वा केटी त्यो भने उनले खोल्न चाहेनन् । .jpg)
केही समय अघि एक मोडलसंग प्रेमबन्धनमा बाधिएका नायक खानलाई ती मोडलले धोका दिएपछी उनी यो समयमा तडपिएर बसिरहेका छन् । तर शुक्रबार साँझ कसैको पर्खाइमा बसेको देखिएकाले उनी पुन अरू कसैको प्रेम सम्बन्धमा परेको अनुमान लगाउन सकिने अवस्था थियो । लामो समयको कतार बसाई पछि १५ दिन अघि नेपाल फर्किका नायक खान पुन भोली शनिबार कतार जाने तरखरमा जुटिरहेका छन् ।
लामो कतार बसाईको क्रममा उनले थ्री डी फर्मयाटमा बनेको ३० मिनेटको चलचचित्र "एडभेन्चर" मा अभिनय समेत गरेकाछन् । खानले बताए अनुसार पहिलो पटक कतारमा थ्रीडी फर्मयाटमा त्यस्तो चलचित्र बनेका हो । जुन आगामी महिना भित्र प्रदर्शनमा आउदै छ ।
२००९ मा मिस्टर राजधानी हुदै नायक बनेका खान नेपालकै इतिहासमा पहिलो पटक मुस्लिम समुदायबाट नायक बनेका हुन । उनले भुवन केसीको चलचित्र 'साथी म तिम्रो' मा पहिलो पटक अभिनय गरेका हुन । जुन चलचित्र केही महिना पछी प्रदर्शनमा आउदै छ ।
