टाउको जोडिएका दिदीबहिनी गंगा-जमुनाको कथालाई लिएर निर्माण हुन लागेको चलचित्र 'हरपल साथ' को आज राजधानीमा शुभ मुहुर्त गरियो ।
रवि बस्नेतको निर्माणमा किशोर ढकालले निर्देशन गर्न लागेको चलचित्र 'हरपल साथ' एनिमेटेड रहने कार्यक्रममा जानकारी दिईयो । शुक्रवारदेखि छायाँकन हुने सो चलचित्रमा रबि बस्नेत, बिराज भट्ट, तृप्ती नाड्कर, कल्पना शाहीलगायतका कलाकारले अभिनय गर्नेछन् । चलचित्रमा निर्माता बस्नेत दोहोरो भुमिकामा प्रस्तुत हुँदैछन् ।
गणेश शुभ मूभिजको ब्यानरमा निर्माण हुन लागेको सो चलचित्रमा दिनेश सुनामको संगीत, राजु शाहको नृत्यनिर्देशन र रोशन श्रेष्ठको द्वन्दनिर्देशन रहने छ ।
