Nepal's No.1 Filmy Web Magazine
यही शुक्रवारबाट प्रदर्शनमा आउन लागेको सेरोगेसी (भाडाको कोख) को कथामा निर्मित फिल्म ‘माइकल अधिकारी’ले बुधवार गोपीकृष्ण मुभिजमा आयोजित प्रिमियरमा उत्साहजनक प्रतिक्रिया पाएको छ । राजनीतिज्ञ, फिल्मकर्मी, मिडियाकर्मीहरुको ठूलो संख्यामा उपस्थिति रहेको प्रिमियरमा प्रायःले फिल्मले उठान गरेको कथावस्तु र कलाकारको अभिनयको प्रशंसामा शब्द खर्चिए ।
श्रीकृष्ण जन्मअष्टमीको दिन पारेर शुक्रवारबाट फिल्म ‘कृष्ण लीला’ प्रदर्शनमा आउँदैछ । ‘ए मेरो हजुर’ र ‘कुनै दिन’ बोलका दुई गीतले फिल्मको राम्रो हाइप चुल्याएको छ । यसको फाइदा फिल्मको व्यापारमा पर्ने अपेक्षा निर्माण पक्षको छ । अटिजम रोग पीडित युवकको प्रेम जीवनमा आउने उतार-चढावमा केन्द्रित रहेको फिल्ममा पुष्प खड्का र श्रद्धा क्षेत्री प्रमुख भूमिकामा छन् ।
नेपाली फिल्म क्षेत्रमा केकी अधिकारीलाई बौद्धिक अभिनेत्री भनिन्छ । उनले कुनै पनि विषयमा राख्ने विचारहरु गहन र सोचनीय हुन्छन् । तर, विचार अभिव्यक्त गर्ने मामलामा उनी जति गहन रुपमा प्रस्तुत हुन्छिन्, फिल्म छनोट गर्न त्यति गम्भीर हुँदिनन् । स्क्रिप्ट, चरित्र र टिम चित्त नबुझे पनि उनी राम्रो पैसा पाए निर्धक्क काम गर्छिन् । यसको तात्तातो उदाहरण फिल्म ‘सिल्ली फो’ हो ।
करीब ३५/४० वर्ष अगाडि नेपाली फिल्मको टिकट मुल्य १ रुपैयाँ आसपास हुने गर्थ्यो । तर, अहिले मल्टीप्लेक्समा फिल्म हेर्दा कम्तिमा ५ सय खर्च हुन्छ, टिकट र पपकर्न आदीमा । टिकटको मुल्य नै २ सय माथि छ । तर, के तपाईंहरु १ रुपैयाँमा नेपाली फिल्म हेर्न चाहनुहुन्छ ? धेरैलाई यो असम्भव लागे पनि फिल्म ‘माइकल अधिकारी’ १ रुपैयाँमै सिनेमा हलमा हेर्न पाइने भएको छ ।
शुक्रवारबाट प्रदर्शनमा आएका बलिउडका दुई ठूला फिल्म ‘लाल सिंह चढ्ढा’ र ‘रक्षा बन्धन’ डुब्ने संघारमा छन् । दिनप्रतिदिन यी दुई फिल्मको कलेक्सन आरोलो लाग्ने क्रम रोकिएको छैन । आमिर खान र अक्षय कुमारका यी फिल्ममाथि सिंगो बलिउडको ठूलो आशा र भरोसा थियो । तर, साउथले लखेट्न थालेको बलिउडमा ठूला स्टारहरुका एकपछि अर्को फिल्म टाँट पल्टिरहेका छन् ।
यही भदौ ३ गते शुक्रवारबाट प्रदर्शनमा आउन लागेको फिल्म हो, ‘प्रेमगन्ज’ । प्रेमकथामा आधारित भएर निर्माण भएको फिल्मको प्रदर्शनको तीन दिन अगाडि मंगलवार राजधानीमा प्रिमियर शोको आयोजना गरिएको थियो । प्रदर्शनको तीन दिन अगाडि प्रिमियर गरेर निर्माण टिमले ठूलो रिक्स उठाएको छ । किनकि, प्रिमियरबाट आउने प्रतिक्रियाले फिल्मको लगभग भविष्य निर्धारण गर्छ ।
