Nepal's No.1 Filmy Web Magazine
तेलुगू फिल्मको मेगास्टारको रुपमा चिनिने चिरञ्जीवी स्टारर फिल्म ‘गडफादर’को तेलुगू र हिन्दी भर्सनको टिजर सार्वजनिक भएको छ । आइतवार परेको उनको जन्मदिनको अवसर पारेर सार्वजनिक गरिएको १ मिनेट ३४ सेकेन्डको टिजर बुलन्द छ । चिरञ्जीवी एक्सन अवतारमा प्रस्तुत छन् । उनको एक्सन शैली दमदार देखिन्छ । टिजरमा उनलाई गडफादरको रुपमा चित्रण गरिएको छ ।
अभिनेता कार्म शाक्यले युरोप मुलकी एनी सोफीसँग विवाह बन्धनमा बाँधिएको एक वर्षपछि शनिवार काठमाडौंमा भव्य बिहे पार्टी दिए । उनीहरुलाई वैवाहिक जीवनको शुभकामना दिन हाँस्य कलाकार हरिवंश आचार्य, काठमाडौंका मेयर बालेन शाह, अभिनेत्री नम्रता श्रेष्ठ, दीया मास्के, सृष्टि श्रेष्ठ, अभिनेता सौगात मल्ल, खगेन्द्र लामिछाने, गायिका इन्दिरा जोशीलगायत पार्टीमा पुगेका थिए ।
२०७६ सालको एउटा घटना स्मरण गरौं । चलचित्र विकास बोर्डको अध्यक्षमा केशव भट्टराई थिए । त्यही समयमा बलिउड फिल्म ‘कलंक’ बुधवारबाट प्रदर्शनको तयारीमा थियो । नेपालमा शुक्रवार फिल्म रिलिज गर्नुपर्ने नियम भए पनि ‘कलंक’को नेपाल वितरक मनोज राठीको समुहले बुधवार नै फिल्म रिलिज गर्न बोर्डसँग सेन्सरको अनुमति माग्यो । तर, केशव भट्टराईले अनुमति दिएनन् ।
हरेक निर्देशकको आ-आफ्नो ‘कम्फर्ट जोन’ हुन्छ । कसैले लभस्टोरी कथालाई भरपुर न्याय गर्न सक्छन् भने कसैले एक्सन फिल्म राम्रो बनाउन सक्छन् । दिनेश राउतको ‘कम्फर्ट जोन’ लभस्टोरी हो । सहायक निर्देशकको रुपमा काम गरेको पहिलो ‘मेरो एउटा साथी छ’ होस् वा निर्देशकको रुपमा स्थापित गरेका ‘आइ एम सरी, ‘नोभेम्बर रेन’, ‘क्लासिक’ फिल्म हुन्, सबै लभस्टोरी नै थिए ।
गत महिना मोडल करिश्मा ढकालले ‘पापाकी परी’ बोलको तीज गीतको म्यूजिक भिडियोमा पेटिकोट लगाएर डान्स गरेको दृश्यले उधूमै मच्चायो । साउथ फिल्म ‘पुष्पा’को ‘सामी सामी’ गीतबाट पेटिकोट डान्स उठाइएको थियो । करिश्माको पेटिकोट डान्सको चर्चा मत्थर हुँदै गर्दा अर्की अभिनेत्री तथा मोडल एलिजा गौतमको साडी डान्स यतिबेला सामाजिक सञ्जालमा भाइरल बनेको छ ।
बलिउडकी फेसन डिभा सोनम कपूर आमा बनेकी छन् । सोनमले शनिवार इन्स्टाग्राममार्फत् आफूले छोरालाई जन्म दिएको खुसी साटेकी हुन् । मुम्बईको एक निजी अस्पतालमा उनको डेलिभरी भएको भारतीय मिडियाले उल्लेख गरेका छन् । सोनमले गत मार्चमा आफू आमा बन्न लागेको बताएकी थिइन् । सन् २०१८ मा उनको विजनेशम्यान आनन्द आहूजासँग विवाह भएको थियो ।
