Nepal's No.1 Filmy Web Magazine
लभस्टोरी फिल्म निर्देशनमा आफूलाई अब्बल सावित गरेका सुदर्शन थापाद्वारा निर्देशित फिल्म ‘सम्हालिन्छ कहिले मन’को दोस्रो गीत सार्वजनिक भएको छ । यसअघि सार्वजनिक भएको ‘जरुरी कुरा छ’ बोलको गीतले लोकप्रियता हासिल गरेपछि निर्माण टिमले साउनको अन्तिम सोमवार पारेर ‘हराएँ हराएँ’ बोलको रोमान्टिक गीत ओएसआर डिजिटलको यूट्युबमार्फत् रिलिज गरेको हो ।
भदौ ३१ गतेबाट रिलिज पोस्टपोन्ड भएर असोज १४ (बडा दशैं) मा पुगेको फिल्म ‘बाबरी’को ट्रेलर सार्वजनिक भएको छ । सोमवार राजधानीमा एक कार्यक्रमका बीच सार्वजनिक गरिएको ट्रेलरमा दुई युवक एक युवतीको प्रेममा डुबेपछि आउने उतार-चढावलाई देखाइएको छ । अदिती बुढाथोकीको माया पाउनका लागि धिरज मगर र धिरज नाडकरबीचको लडाइँले ट्रेलर रोचक बनेको छ ।
२०७७ साल मंसिर २२ गते धनगडीका विजयन्द्र सिंह रावतसँग विवाह बन्धनमा बाँधिएकी अभिनेत्री श्वेता खड्का आमा बन्ने भएकी छन् । श्वेता स्वयंले आफू आमा बन्न लागेको जानकारी मिडियालाई गराएकी हुन् । ६ महिनादेखि उनको गर्भमा बच्चा हुर्किरहेको छ । चिकित्सकको टोलीले उनको डेलिभरी समय आगामी कात्तिक अन्तिम वा मंसिर पहिलो हप्तालाई तोकेको जानकारी प्राप्त छ ।
विश्वको ठूलो फिल्म बजार मानिने भारतमा पहिलो पटक नेपाली फिल्म हिन्दीमा डब भएर प्रदर्शन हुँदैछ । यो इतिहास रच्न लागेको फिल्म हो, ‘प्रेमगीत ३’ । कोरोना महामारीको समयमा निर्माता तथा निर्देशक सन्तोष सेन र अभिनेता प्रदीप खड्काले महिनौं मुम्बई बसेर फिल्मको हिन्दी डब गरेका हुन् । अब यो फिल्म आगामी असोज ७ गतेबाट नेपाल र भारतमा एकसाथ प्रदर्शनमा आउँदैछ ।
अभिनय गर्न पेशा, धर्म, जात, वर्ण, वर्ग, उमेर, लैंगिकता वा भौगोलिकता केहीले पनि रोक्दैन र छेक्दैन । मात्र अभिनयप्रति रुचि, सौख र चाहाना हुनुपर्छ । यही रुचिले भिन्न पेशाबाट अभिनयमा होमिएका पात्र हुन्, तेज गिरी । पेशाले उनी बैंकर हुन् । मुक्तिनाथ विकास बैंकमा उनी लामो समयदेखि कार्यरत छन् । यस्तैमा, उनले फिल्म ‘प्रेमगन्ज’बाट अभिनय करिअर पनि सुरु गरेका छन् ।
सुजित बिडारीको निर्देशनमा बनेको फिल्म ‘ऐना झ्यालको पुतली’को ट्रेलर सार्वजनिक भएको छ । आइतवार यूट्युब रिलिज भएको २ मिनेट ४३ सेकेन्ड लम्बाईको ट्रेलरमा अध्ययन गर्न चाहने एक किशोरीको सपना र त्यसमा आउने अवरोधलाई देखाइएको छ । ट्रेलरले दिदी-भाइको सम्बन्धका विभिन्न आयामलाई पनि प्रस्तुत गरेको छ । फिल्म आगामी भदौ २४ गतेबाट प्रदर्शनमा आउँदैछ ।
