Nepal's No.1 Filmy Web Magazine
मिलन चाम्सले निर्देशन गरेको फिल्म ‘वर एन्ड वधु’को प्रदर्शन मिति घोषणा गरिएको छ । रोमानियामा दुई साता लामो छायांकन गरेर नेपाल फर्किएपछि निर्माण टिमले प्रदर्शन मिति तोकेको हो । लभस्टोरी र कमेडी जनरामा निर्माण भएको फिल्म आगामी फागुन १९ गतेबाट प्रदर्शनमा आउने निश्चित भएको छ । यो मितिमा यसअघि फिल्म ‘परस्त्री’ले प्रदर्शन मिति तोकिसकेको छ ।
कृष्ण जन्मअष्टमीको अवसर पारेर भदौ ३ गतेबाट प्रदर्शनमा आउन लागेको फिल्म ‘माइकल अधिकारी’को दोस्रो गीत सार्वजनिक भएको छ । मंगलवार यूट्युबमार्फत् सार्वजनिक गरिएको ‘फापरको रोटी’ बोलको गीतमा शम्भुजित बाँस्कोटा, रवि ओड र टीका प्रसाइँको स्वर रहेको छ भने दयाराम दाहालको शब्द रचना तथा शम्भुजित बाँस्कोटाको संगीत छ । गीत लोक शैलीमा तयार छ ।
८०/९० को दशकमा नेपाली फिल्ममा ठूलो नाम बनाएकी अभिनेत्री हुन्, तृप्ति नाडकर (टोटलानी) । ‘कुशुमे रुमाल’, ‘साइनो’, ‘सम्झना’, ‘लाहुरे’ जस्ता कयैन् यादगार फिल्ममा काम गरेकी उनी एक दशकदेखि अभिनयमा सक्रिय नभए पनि दर्शकको मन र आँखाबाट अझै हराएकी छैनन् । ८ वर्षयता नेपाल समेत नआएकी उनी ७ वर्षदेखि भारतमा बसेर शिक्षण पेशा गरिरहेकी छन् ।
फिल्म ‘इन्टु मिन्टु लण्डनमा’बाट अभिनेताको रुपमा सानदार डेब्यू गरेका धिरज मगर करीब ४ वर्षपछि ठूलो पर्दामा देखिँदैछन् । उनी अभिनीत तेस्रो तर रिलिजको दोस्रो फिल्म ‘बाबरी’ असोज १४ गतेबाट प्रदर्शन हुँदैछ । टिजर रिलिजपछि उनको आवाजलाई लिएर टिका-टिप्पणी भइरहेको छ । प्रायःले उनको आवाज फिल्म ‘कबड्डी’को ‘वीरकाजी’ पात्रसँग दुरुस्तै मिलेको बताएका छन् ।
चलचित्र विकास बोर्डका अध्यक्ष भुवन केसीको नियुक्तिविरुद्ध नरेश कुमार पौडेलले प्रधानमन्त्री तथा मन्त्रिपरिषदको कार्यालयलाई विपक्षी बनाएर दायर गरेको रिट निवेदनमा सर्वोच्च अदालतले दुवै पक्षलाई छलफलका लागि बोलाएको छ । सोमबार न्यायाधीश प्रकाशमान सिंह राउतको एकल इजलासले रिट निवेदक र सरकार दुवै पक्षलाई भदौ २ गते छलफलका लागि बोलाएको हो ।
