Nepal's No.1 Filmy Web Magazine
निर्देशक सुदर्शन थापालाई प्रेम सिकाउने पाठशाला भनिन्छ । उनले आफ्नो फिल्ममा प्रेमको नयाँ दुनियाँ बनाउँछन् । ‘मेरो एउटा साथी छ’, ‘प्रेमगीत’, ‘म यस्तो गीत गाउँछु’ लगायतका रोमान्टिक फिल्म यसका उदाहरण हुन् । उनै, सुदर्शन निर्देशित अर्को लभस्टोरी फिल्म ‘सम्हालिन्छ कहिले मन’ भदौ १७ गतेबाट प्रदर्शनमा आउँदैछ । यो निकै ठूलो बजेटमा निर्माण भएको फिल्म हो ।
अभिनेता अनमोल केसीको मुख्य भूमिका रहने फिल्म ‘छड्के २’को छायांकन आरम्भ भएको छ । शुक्रवार श्रीकृष्ण जन्माअष्टमीको अवसर पारेर भरतपुर चितवनमा फिल्मको शुभमुहूर्त गर्दै छायांकन सुरु गरिएको हो । ६० दिनको छायांकन सेड्युल निकालिएको फिल्म चितवनसँगै मुस्ताङमा खिचिनेछ । छायांकनअघि चितवनमै फिल्मका कलाकारहरुले दुई हप्तासम्म वर्कसप गरेका थिए ।
कोरियोग्राफर तथा फिल्म निर्देशक रेनशा वान्तवा राई आमा बनेकी छन् । उनले शुक्रवार विहान काठमाडौंको नर्भिक अस्पतालमा जुम्ल्याहा बच्चालाई जन्म दिएकी हुन् । उनले एक छोरा र एक छोरीलाई जन्म दिएको उनका श्रीमान् प्रज्वल राणाले जानकारी दिए । रेनशा र दुवै बच्चाको स्वास्थ्य अवस्था सामान्य रहेको उनले बताए । तथापि, रेनशा केही दिन नर्भिक अस्पतालमा नै बस्नेछिन् ।
नेपालको दुर्गम ठाउँ मानिने जुम्लामा पहिलो पटक नेपाली फिल्मको प्रिमियर हुने भएको छ । भदौ १० गतेबाट देशभर प्रदर्शनमा आउन लागेको फिल्म ‘प्रकाश’को भदौ ५ गते जुम्लामा वर्ल्ड प्रिमियर हुन लागेको हो । जुम्लामा सिनेमा हल नभएकाले गाँउको मोक्ष माध्यमिक विद्यालयको प्राङ्गणमा प्रोजेक्टरमार्फत् फिल्मको प्रिमियर गर्न लागेको निर्देशक दिनेश राउतले जानकारी दिए ।
कुनै समय एक घन्टा फुर्सद पाउनु पनि राजेश हमालका लागि ठूलो हुन्थ्यो । एउटै सेड्युलमा दुई-तीनवटासम्म फिल्मको छायांकन गर्थे उनी । तर, करिअरको उचाईंमा उनको जुन प्रकारको व्यस्तता थियो, अहिले पनि त्यस्तै छ । फिल्ममा काम नगरेको ४ वर्ष भए पनि उनको आम्दानी र व्यस्तता घटेको छैन । सांस्कृतिक कार्यक्रम, टीभी शो, म्यूजिक भिडियोमा उनलाई भ्याइनभ्याइ छ ।
भदौ १० गतेबाट प्रदर्शनमा आउन लागेको सुवर्ण थापा निर्देशित फिल्म ‘राधा’ले टिकटक प्रतिस्पर्धाको घोषणा गरेको छ । यतिबेला चर्चामा रहेको फिल्मको तीज गीत ‘पाउमा पाउजु छैन बरी लै’ गीतमाथि टिकटक भिडियो बनाएर नगद जित्ने योजना निर्माण टिमले अगाडि सारेको हो । टिकटकमा प्राप्त भ्यूजको आधारमा तीन प्रतियोगीलाई नगद पुरस्कार प्रदान गरिने निर्देशक थापाले बताए ।
