Nepal's No.1 Filmy Web Magazine
लामो समयपछि निर्देशनमा फर्किएका ज्ञानेन्द्र देउजाले फिल्म ‘झिँगेदाउ’को कोरोना महामारीभन्दा अगाडि एक गीतबाहेक सम्पूर्ण छायांकन सकाएका थिए । उनले गीत बाहेकको पोस्ट प्रोडक्सनको काम पनि पूरा गरिसकेका छन् । फिल्मको प्रदर्शन मिति नजिकिँदै गएपछि देउजाले गीतको छायांकन पनि भ्याएका छन् । ललितपुरस्थित श्रीकाली चौरमा गीतको छायांकन भएको हो ।
अभिनेत्री नीता ढुंगानाले पहिलो पटक निर्माण गर्न लागेको फिल्म ‘ह्रस्व दीर्घ’मा किस्ताबन्दीमा साउथका कलाकारहरु भित्रिरहेका छन् । दुई चर्चित साउथ इन्डियन कलाकारहरु प्रदीप रावत र सुनिल वर्मापछि यो फिल्ममा साउथका अर्का प्रख्यात कलाकार अलीको पनि प्रवेश भएको छ । बुधवार भारतको मुम्बईमा अलीसँग फिल्मका निर्देशक चन्द्र पन्तले कागजी सम्झौता गरेका हुन् ।
मोडलिङको क्षेत्रमा १० वर्ष विताइसकेकी नीति शाह अब फिल्ममा डेब्यू गर्न कस्सिएकी छिन् । विगत केही वर्षमा ठूला स्टार र प्रतिष्ठित ब्यानरका कयौं फिल्म अस्वीकार गरेकी उनी अब फिल्ममा आउन ढिलो गर्ने पक्षमा छैनन् । यसै वर्ष अभिनेत्रीको रुपमा लञ्च हुने गरी उनी केही समयदेखि जिमदेखि डान्स क्लाससम्म लिइरहेकी छन् । उनले म्यानेजर समेत नियुक्त गरिकसकेकी छन् ।
आगामी कात्तिक २५ गतेलाई प्रदर्शन मिति घोषणा गर्दै फिल्म ‘वेलकम टू हेम्जाकोट’को पहिलो गीत सार्वजनिक गरिएको छ । बुधवार राजधानीमा एक कार्यक्रमका बीच सार्वजनिक गरिएको ‘मायाको रेडियो’ बोलको आइटम गीतमा मोडल तथा अभिनेत्री अलिशा शर्मासँग फिल्मका प्रमुख अभिनेता विनोद न्यौपानेले नृत्य गरेका छन् । भिडियोमा अलिशाले आकर्षक नृत्य प्रस्तुत गरेकी छन् ।
आगामी असार १० गतेबाट प्रदर्शनमा आउन लागेको फिल्म ‘घनचक्कर’को नेपाल (नेवारी) भाषाको प्रोमोसनल गीत यूट्युबमा सार्वजनिक गरिएको छ । विजेन श्रेष्ठको संगीत रहेको गीतमा भुपेन्द्र बज्राचार्यको शब्द रचना तथा स्वर छ । गीतको भिडियोमा फिल्मका प्रमुख पात्रहरुबीचको प्रेम र पैसाको चक्कर देखाइएको छ । दिपेन बस्नेतले गीतको भिडियोको छायांकन गरेका हुन् ।
फिल्म छायांकनमा नजाँदासम्म कलाकारदेखि निर्देशकसम्म हेरफेरको चक्र चलिरहन्छ । फिल्मको आधाउधी छायांकन सकिएको अवस्थामा समेत टिम परिवर्तन हुने गरेको छ । यस्तैमा, निर्माणको तयारीमा रहेको फिल्म ‘प्रसाद २’को निर्देशक परिवर्तन भएको खबर प्राप्त छ । पहिला सौरभ चौधरीले फिल्मलाई निर्देशन गर्ने फाइनल भएकोमा अब उनी बाहिरिएको स्रोतले जानकारी दियो ।
