Nepal's No.1 Filmy Web Magazine

फिल्म ‘प्रेमगीत ३’का निर्माता तथा निर्देशक सन्तोष सेनविरुद्ध चलचित्र निर्माता संघमा आर्थिक लेनदेनको विषयमा उजुरी परेको छ । भारतको सिक्किम निवासी राम गोपाल राईले मंसिर ११ गते संघमा निर्माता सेनविरुद्ध ४ करोड ८४ लाख ५० हजार फिर्ताको माग गर्दै उजुरी दर्ता गरेका हुन् । उजुरी दर्ता भएपछि निर्माता संघले सेनलाई छलफलका लागि संघको कार्यालयमा बोलाएको छ ।

करिब ८ वर्ष लामो प्रेम सम्बन्धलाई अभिनेता संयम पुरी र अभिनेत्री आश्मा डिसी दाहालले विवाहमा परिणत गरेका छन् । शुक्रवार बौद्धस्थित पाँचतारे होटल हायातमा उनीहरुको विवाह भइरहेको छ । स्वस्तिमा खड्का, निश्चल बस्नेत, हेमराज विसीलगायतलाई जन्ती लिएर संयम दुलही लिन होटल हायात पुगेका थिए । विवाहमा संयम र आश्मा निकट केही फिल्मकर्मीहरु सहभागी छन् ।

नेपाली फिल्ममा आफ्नो रजगज रहँदै सुपरस्टार विराज भट्ट भोजपुरी हानिएका थिए । त्यहाँ उनले छोटो समयमै आफूलाई स्थापित गरे । सय बढी भोजपुरी फिल्ममा अभिनय गरिसकेका उनले रोज राणाको ‘जय पशुराम’बाट नेपाली फिल्ममा कमब्याक गरेका थिए । यसपछि उनले आफ्नै डेब्यू निर्देशनमा पछिल्लो पटक फिल्म ‘साङ्लो’ बनाए । फिल्ममा उनकै निर्माण र अभिनय थियो ।

आफ्नो अभिव्यक्तिका कारण प्रायः चर्चा र विवादमा आउने गरेका निर्देशक शोभित बस्नेतले मंसिर १२ गते आफ्नो एकमात्र छोरा सलोन बस्नेतको विवाह गरे । उनलाई छोराको विवाह भव्य रुपमा गर्ने ठूलो सपना थियो, जुन उनले पूरा गरेका छन् । सम्भवतः बस्नेत परिवारकै महंगो र भव्य विवाह सलोनको भएको हो । शोभितलाई अब छोरीको विवाह पनि सानदार रुपमा गर्ने सपना छ ।

नेपाली भाषामा निर्माण भएर हिन्दीमा डब हुन लागेको फिल्म ‘सायरा’ विश्वव्यापी रिलिज हुने भएको छ । हालै फिल्मका प्रस्तुतकर्ता रघु परियार र भारतीय कम्पनी पावनी फिल्म्सका प्रबन्ध निर्देशक विशाल चौधरीबीच विश्वव्यापी रिलिजको बारेमा सम्झौता भयो । सम्झौतापछि परियारले भने, ‘पावनी फिल्मस्ले विश्वभर फिल्मलाई रिलिज र प्रमोशन गर्नेछ । यसले हामीलाई हौसला थपेको छ ।’