Nepal's No.1 Filmy Web Magazine
नेपाली फिल्म क्षेत्रमा संघ-संस्थाहरु च्याउँ उम्रेझैं बग्रेल्ती छन् । तर, प्रायः संस्थाहरुको नाम चुनावको बेला मात्र सुन्न पाइन्छ । अरु बेला कहाँ हुन्छन् र के काम गर्छन्, अत्तोपत्तो हुँदैन । प्रायःजसो संघ-संस्थाका पदाधिकारीले फिल्मका कार्यक्रममा अतिथी बनेरै कार्यकाल विताउँछन् । तर, चुनावको बेला भने देशकै राष्ट्रपति-प्रधानमन्त्री बन्न लागेको झैं गरी ठूलै तछाडमछाड हुने गरेको छ ।
सन् २०१२ को बलिउड फिल्म ‘विकी डोनर’ले वीर्य दानको विषयलाई उठाएको थियो । त्यसबेला यो विषय बलिउडकै लागि नयाँ थियो । यही प्लटमाथि नेपाली फिल्म ‘ह्यारी कि प्यारी’ निर्माण भएको आइतबार सार्वजनिक भएको ट्रेलरले छनक दिन्छ । ‘विकी डोनर’मा आयुष्मान खुराना पैसाका लागि वीर्य दान गर्छन्, ‘ह्यारी कि प्यारी’मा जितु नेपाल पैसाका लागि वीर्य दान गर्न तयार छन् ।
सुर्खेतको एक पार्कमा राखिएको र विवादपछि हटाइएको कुरुप पाटेबाघको मुर्ति अहिले सामाजिक सञ्जालमा भाइरल छ । भाइरल हुनुको कारण बाघको जिउ हात्तिको जत्रो मोटो र अनुहार बाँदरको जस्तो चुच्चो भएकाले हो । नेपाली फिल्मको अवस्था पनि यस्तै छ । ट्रेलर गर्जिएको बाघ जस्तो हुन्छ तर फिल्म भाइरल बाघको मुर्ति जस्तो । यसैले नेपाली फिल्मदेखि दर्शक विच्किरहेका छन् ।
निर्देशक प्रदीप भट्टराईलाई हिट मेशिन भन्दा अब अतिशयोक्ति नहोला । पहिलो फिल्म ‘जात्रा’बाट निर्देशनमा डेब्यू गरेका उनले ‘शत्रु गते’, ‘जात्रै जात्रा’ र प्रदर्शनरत ‘महापुरुष’ गरी चारवटा ब्लकबस्टर फिल्म दिइसकेका छन् । र, यी चारवटै फिल्मले प्रदर्शनको ५१औं दिन मनाएका छन् । अब प्रदीप पाँचौं फिल्मको तयारीमा जुटेका छन् । उनले ‘जात्रा’को तेस्रो सिक्वेल बनाउन लागेका हुन् ।
डा. भोला रिजालका छोरा डा. कपिल रिजाल निर्देशित पहिलो फिल्म ‘ह्यारी कि प्यारी’को ट्रेलर सार्वजनिक भएको छ । आइतबार राजधानीमा एक कार्यक्रमका बीच सार्वजनिक गरिएको ट्रेलरमा हाँसो र रोदनको दुईटा पाटोलाई देखाइएको छ । पैसाको पछाडि भागिरहेका जितु नेपालको साम्राज्ञी आरएल शाहसँग भेट पश्चात् आउने असोचनीय उतार-चढावलाई ट्रेलरमा प्रस्तुत गरिएको छ ।
महजोडी अर्थात् मदनकृष्ण श्रेष्ठ र हरिवंश आचार्य मित्रताको असली उदाहरण हुन् । स्वार्थका लागि मित्रता गाँसिने आधुनिक युगमा विगत ४२ वर्षदेखि उनीहरुबीच व्यक्तिगत र व्यवसायिक सम्बन्ध कायम छ । फरक पारिवारिक पृष्ठभूमिका उनीहरु एकअर्कालाई दाई र भाईको रुपमा सम्मान गर्छन् । नाटक, टेलिसिरियल हुँदै फिल्मसम्म एकसाथ काम गरेका महजोडी अभिनीत नयाँ फिल्म ‘महापुरुष’ले दुई हप्ता अगाडि हलमा ५१ दिन मनाएको छ । यसअघि पनि महजोडीका प्रायः फिल्महरुले यो रेकर्ड बनाएका छन् ।
