Nepal's No.1 Filmy Web Magazine
फिल्म ‘होस्टेल रिर्टन्स’मा मधेशी चरित्रमा उम्दा अभिनय गरेपछि चर्चामा आएका अभिनेता नाजिर हुसेनले त्यसपछि हातमा आएका कुनै फिल्म छाडेनन् । केही फिल्ममा लिड रोलमा देखिए भने प्रायः फिल्ममा सहायक चरित्रमा काम गरे । तर, पछिल्लो पटक ठूलो आश गरेको फिल्म ‘वीर विक्रम २’ पत्तासाफ भएपछि केही हच्किएका उनले कोभिडयता नयाँ फिल्ममा काम गरेका छैनन् ।
अभिनेता रेमनदास श्रेष्ठ विवाह बन्धनमा बाँधिएका छन् । उनले जर्मनकी प्रेमिका जना मुद्रासँग लगनगाँठो कसेका हुन् । बिहीवार काठमाडौंस्थित ज्ञानेश्वरमा रहेको एटिक रेस्टुरेन्टमा उनीहरुको वैवाहिक कार्यक्रम चलिरहेको छ । यो रेस्टुरेन्ट रेमनले अभिनेत्री नम्रता श्रेष्ठसँग मिलेर खोलेका हुन् । रेमनको विवाह कार्यक्रमका लागि बिहीवार एटिकले ग्राहकलाई दिने सुविधा बन्द गरेको छ ।
कोरोना महामारीको समयमा सार्वजनिक भएको ‘फूलबुट्टे सारी’ गीतले यदी कसैलाई सबैभन्दा बढी फाइदा मिल्यो भने त्यो मलिका महतलाई हो । यो गीतमा अभिनय गर्नुअघि उनी गुमनाम जस्तै थिइन् । न मिडियामा खासै चर्चा हुन्थ्यो न हातमा प्रशस्त काम थियो । तर, ‘फूलबुट्टे सारी’ गीतमा अभिनेता पल शाहसँग केमेस्ट्री र सुन्दरतालाई दर्शकले सर्वाधिक रुचाउँदा मलिकाको भाग्य बल्यो ।
कुनै समय गाउँ-घरदेखि शहरसम्म माइकिङ र भित्ताहरुमा पोस्टर टाँसेर फिल्म प्रदर्शनको जानकारी गराइन्थ्यो । यत्तिको भरमा पनि फिल्म हेर्न दर्शकहरु हलसम्म ओइरिन्थे । तर, अहिले जमाना फेरिएको छ । माइकिङ वा पोस्टर टाँसेर हलसम्म दर्शक तान्न लगभग असम्भव छ । गतिलोसँग र फरक शैलीमा प्रचार गर्न सकिएन भने फिल्म हलमा लागेको र उत्रेको समेत अत्तोपत्तो हुँदैन ।
२०६३ सालमा प्रदर्शन भएको फिल्म ‘दिलमाया’लाई निर्देशक राजु गिरीले सिरिजको रुपमा अगाडि बढाएका छन् । यो फिल्म प्रदर्शनको १६ वर्षपछि उनले फिल्म ‘दिलमाया २’ बनाएका छन् । बुधवार दुईवटा पोस्टर सार्वजनिक गर्दै आगामी पुष २९ गतेलाई फिल्मको प्रदर्शन मिति तोकिएको छ । दुईमध्ये एउटा पोस्टरमा किरण नेपाली र अर्को पोस्टरमा सन्जीला पौडेल प्रस्तुत छन् ।
सन् २००० मा आएको फिल्म ‘कहो ना प्यार है’बाट आफ्नो करिअरको सुरुवात गरेका अभिनेता ऋतिक रोशनले एकसेएक हिट र सम्झनलायक फिल्म दिइसकेका छन् । ‘कृष’, ‘जोधा अकबर’, ‘सुपर ३०’, ‘काबिल’, ‘धूम’, ‘वार’, ‘जिन्दगी ना मिलेगी दोबारा’ जस्ता फिल्मबाट आफूलाई अभिनयसँगै नृत्य र एक्सनमा पनि अब्बल प्रमाणित गरेका उनी बलिउडका महंगा अभिनेतामध्येमा पर्छन् ।
