Nepal's No.1 Filmy Web Magazine
रिमेश अधिकारी निर्देशित फिल्म ‘नालापानी’को टिजर सार्वजनिक भएको छ । विहीवार काठमाडौंमा एक कार्यक्रमका बीच सार्वजनिक गरिएको १ मिनेट ४१ सेकेन्ड लम्बाईको टिजरमा मेकिङ क्वालिटी उच्च छ । अंग्रेजी फौजसँग नेपालीहरुले लडेको युद्धलाई देखाइएको टिजरमा ब्याकग्राउन्ड स्कोर र युद्धका सिन प्रशंसनीय छ । दर्शकलाई फिल्मप्रति कौतुहलता र उत्सुकता जगाउन सक्ने ल्याकत टिजरमा देखिन्छ ।
असोज २१ गतेबाट प्रदर्शनमा आउन लागेको फिल्म ‘२ नम्बरी’को प्रचारमा हिँड्न भुटानी अभिनेत्री उगेन छोदेन नेपाल आएकी छन् । बिहीवार विहान उनी नेपाल आइपुगेकी हुन् । भुटानको फिल्म इन्डस्ट्रीमा ठूलो नेम र फ्रेम बनाएकी उनले ‘२ नम्बरी’बाट नेपाली फिल्ममा अभिनेत्रीको रुपमा डेब्यू गरेकी हुन् । अब, उनले फिल्म प्रदर्शन नहुन्जेलसम्म नेपालमा बसेर प्रचारमा साथ दिनेछिन् ।
बडा दशैंको अवसर पारेर असोज १४ गतेबाट प्रदर्शनमा आउने तयारीमा रहेको फिल्म ‘बाबरी’को विदेशमा माग बढ्दो क्रममा छ । फिल्मको हङकङ, अष्ट्रेलिया र दक्षिण कोरिया राइट्स विक्री गरेर निर्माताले मोटो रकम हात पारिसकेको अवस्थामा हालै यूरोप राइट्स पनि विक्री भएको छ । गुरुङ केएनएस इन्टरटेनमेन्ट र केन्द्र मोशन पिक्चर्सले फिल्मको यूरोप राइट्स खरिद गरेको हो ।
चर्चित कलाकार बुद्दि तामाङ विवाह बन्धनमा बाँधिने भएका छन् । उनले असोज ७ गते शुक्रवार (भोली) मकवानपुरकी अनु थिङ तामाङसँग लगनगाँठो कस्न लागेका हुन् । ३९ वर्षको उमेरमा दुलहा बन्न लागेका बुद्धिको अनुसँग मागी विवाह हुन लागेको हो । उनीहरुको विवाह समारोह शुक्रबार कौशलटारको एक पार्टी प्यालेसमा हुँदैछ । उनीहरुको विवाह तामाङ परम्पराअनुसार हुनेछ ।
