Nepal's No.1 Filmy Web Magazine
नेपाल चलचित्र कलाकार संघको अध्यक्षमा विजयी भएका मोहन निरौलाले आफूसँग पराजीत भएकी रेजिना उप्रेतीलाई पनि संघमा सम्मानपूर्वक समेट्ने प्रतिबद्धता जनाएका छन् । रेजिनाले आफूलाई खादा लगाएर बधाई दिने क्रममा निरौलाले उनले चाहेको रुपमा सम्मानपूर्वक संघमा समेट्ने वाचा गरेका हुन् । उनले आफूहरुबीच अस्वस्थ प्रतिस्पर्धा र कटुता नभएको पनि जिकिर गरे ।
‘बाहुबली’, ‘केजीएफ’, ‘आरआरआर’, ‘पुष्पा’ जस्ता फिल्मको सफलतापछि साउथमा यही शैलीमा फिल्म निर्माण हुने क्रम बढेको छ । तर, रुचाइने र व्यावसायिक रुपमा सफल हुने फिल्मको संख्या ज्यादै कम छ । शुक्रबारबाट प्रदर्शन थालनी गरेको साउथ फिल्म ‘कब्जा’को ट्रेलर सार्वजनिक भएपछि यसलाई दोस्रो ‘केजीएफ’ भनिएको थियो । तर, ‘केजीएफ’को कमजोर कपी निस्किएको छ ।
७ वर्षअघि प्रदर्शन भएको फिल्म ‘पशुपति प्रसाद’ व्यावसायिक रुपमा मात्र सफल भएन, यसको कथावस्तुदेखि पात्रसम्म दर्शकको मानसपटलमा बसेको छ । पशुपति प्रसाद (खगेन्द्र लामिछाने), भष्मे डन (विपिन कार्की), बुनु (वर्षा सिवाकोटी), हनुमान (रविन्द्र सिंह बानियाँ)को चरित्र फिल्मको मेरुदण्ड थियो । अब यो फिल्मको चरित्र केन्द्रित सिक्वेल बन्दैछ, ‘पशुपति प्रसाद २ : भष्मे डन’ ।
महान् वैज्ञानिक अल्बर्ट आइन्स्टाइनले कहीँ भनेका थिए, ‘यदि कुनै व्यक्ति कहिल्यै असफल भएको छैन भने त्यसको अर्थ उसले आफ्नो जीवनमा कहिले केही नयाँ गर्ने कोसिस नै गरेको छैन ।’ यसैले असफलता जीवनको एउटा वास्तविकता हो, जसको सामना सबै मानिसले आफ्नो जीवनकालमा गर्नुपर्छ । यसबाट कोही भाग्न सक्दैन । ‘मेगास्टार’ कहलिएका अनमोल केसी पनि सकेनन् ।
आगामी बैशाख २१ गतेबाट प्रदर्शनमा आउन लागेको रेनशा वान्तवा राई निर्देशित फिल्म ‘ज्याकी : आई एम ट्वान्टी वान’को पहिलो गीत सार्वजनिक गरिएको छ । शुक्रबार काठमाडौंमा आयोजित एक कार्यक्रममा पत्रकारलाई देखाउँदै सार्वजनिक गरिएको ‘कथा’ बोलको गीतमा फिल्मका प्रमुख दुई पात्र धिरज गुरुङ र जसिता गुरुङ फिचर्ड छन् । गीतमा उनीहरुको ‘डान्स मुभ’ सशक्त छ ।
