Nepal's No.1 Filmy Web Magazine
फिल्म ‘अन्तिम संस्कार’को हिमाली जिल्ला मुस्ताङबाट छायांकन सुरु भएको छ । शुक्रबार मुक्तिनाथ मन्दिरमा शुभ मुहूर्त गर्दै फिल्मको छायांकन थालिएको हो । शाही प्रोडक्सन नेपाल प्रालिको ब्यानरमा निर्माण हुने फिल्मको मुस्ताङको जोमसोम, मार्फा, कागबेनी र मुक्तिनाथ क्षेत्रमा ४० दिनसम्म छायांकन हुनेछ भने केही प्रतिशत काठमाडौंमा गर्ने तयारीमा निर्माण टिम रहेको छ ।
अभिनेता प्रदीप खड्काले चलचित्र विकास बोर्डका अध्यक्ष भुवन केसीलाई स्वःविवेक प्रयोग गरेर राजीनामा दिन सुझाव दिएका छन् । शनिवार आयोजित एक कार्यक्रममा उनले ‘प्रेमगीत ३’लाई लक्षित गरेर साँझको ११ बजेपछि फिल्म प्रदर्शन गर्न नपाइने निर्णय गरेकाले सर्वोच्च अदालतमा असोज २ गते हुन लागेको सुनुवाईभन्दा अगाडि नै राजीनामा दिए इज्जत बढ्ने बताएका हुन् ।
दीपकराज गिरी र दीपाश्री निरौला समुहको फिल्म ‘छक्का पञ्जा ४’को मुहूर्त भएर छायांकन सुरु भएदेखि प्रदर्शन मितिलाई लिएर फिल्म क्षेत्रमा चासो सुरु भएको थियो । किनकि, यो ब्रान्डको न एक हप्ता वर न एक हप्ता पर कुनै फिल्म प्रदर्शन हुन चाहन्छन् । यसका अघिल्ला श्रृंखलाको व्यापारिक नतिजाले पनि भन्छ- ‘छक्का पञ्जा’ ब्रान्डसँग भिड्नु भनेको बाघको मुखमा हात हाल्नु हो ।
पछिल्लो समय नेपाली फिल्मले लगानी उठाउन घरेलू बजारको मात्र भर गर्नुपर्ने अवस्था छैन । डिजिटल र ओभरसिज राइट्सबाट पनि निर्माताले ठूलो रकम हात पार्ने गरेका छन् । केही वर्षयता विदेशमा नेपाली फिल्म विक्री र प्रदर्शन हुने क्रम ह्वात्तै बढेको छ । यसले विदेशमा बस्ने नेपालीले नियमित रुपमा आफ्नो देशको फिल्म हेर्न पाइरहेका छन् भने निर्मातालाई पनि राहत मिलेको छ ।
५ वर्ष अगाडि प्रदर्शनमा आएको फिल्म ‘कालोपोथी’पछि निर्देशक मीन भामसँग काम गर्न प्रायः हरेक चलेका नेपाली कलाकारले सपना पालेका छन् । तर, भाम फरक शैलीको फिल्म बनाउने भएकाले उनी कलाकारको लोकप्रियताभन्दा माथि उठेर पात्र चयन गर्छन् । ‘कालोपोथी’पछि नयाँ फिल्म ‘चिसो वर्ष’ बनाउनका लागि उनले प्रि-प्रडक्सनमै ५ वर्षभन्दा बढी समय विताइसकेका छन् ।
‘बाजीगर’ त्यो फिल्म हो, जुन शाहरुख खानको करिअरमा एउटा ठूलो टर्निङ पोइन्ट थियो । उनलाई बलिउडको किङ बनाउन यो फिल्मको ठूलो हात छ । तर, यो फिल्मका लागि उनी पहिलो रोजाई थिएनन् । निर्देशक अब्बास-मस्तानले शाहरुखभन्दा पहिला अभिनेता अनिल कपूरलाई फिल्म अफर गरेका थिए । तर, उनले काम गर्न अस्वीकार गरेपछि ‘बाजीगर’ शाहरुखले पाएका थिए ।
